Arrasateko Ekintza Katolikoaren Zentroan billarreko mahai bat zen, eta huraxe izan genuen gutariko askok astiematerik atseginenetakoa iragan mendeko seigarren eta zazpigarren hamarkadetan. Herrian bagenituen takoa oso ondo erabiltzen zutenak, eta haietako bat David Arzamendi izan genuen, beheko argazkian agertzen dena, 1954an, Zentroaren 50. urtemuga zela eta bere trebetasunaren lagin txiki bat eskaini zuena.
