Txatxilipurdik Freskura egitasmoa martxan jarri du aurten ere

0
492

Aurtengoan baina ez dute Arrasateko Musakolako igerilekuan antolatuko, osasun larrialdiak eraginda Monterron parkean garatuko dute egitasmoa.

Testua: Txatxilipurdi.

Urtero bezala, uztailean Freskura egitasmoa jarriko dugu martxan Txatxilipurdi Elkartetik.

Aurtengoan baina ez dugu Arrasateko Musakolako igerilekuan antolatuko, osasun larrialdiak eraginda Monterron parkean garatuko dugu egitasmoa.

Uztailaren 1etik 29ra, arratsaldeko 17:00etatik 20:00etara Monterronen euskarazko irakurgaiak, mahai jolasak eta jolasak egongo dira denon eskura. Honekin, euskaraz dauden produktu ezberdinen ezagutza eta erabilera sustatu nahi dugu.

Adin tarte guztientzako eskaintza da Freskura, haur, nerabe eta helduei aukera ezberdinen bitartez (jolastuaz, irakurriaz eta tailerretan parte hartuz) parkean dauden momentuan euskaraz ongi pasatzeko aukera eskaini nahi diegu, udan ere euskaraz jolasteko eta irakurtzeko bideak eginez.

Txatxilipurdi Elkartetik, Covid-19a dela eta, indarrean dauden osasun neurri guztiak bermatzen saiatuko gara. Hala ere, parte hartzaile ororen konpromisoa beharrezkoa izango da neurri guzti hauek osotasunean bermatu ahal izateko. Guk jarritako neurriak bete ezean, guraso edo tutore legalen erantzukizuna izango da.

Uztaileko arratsaldeak, euskaraz pasatzeko aukera paregabea da Freskura!

Hurbildu Monterronera freskuran egon eta jolastera.

Ez dadin euskara lehortu, zure eskura… Freskura!

ERANTZUN BAT UTZI

Zure iruzkina utzi, mesedez!
Sartu zure izena hemen