Goienagusi Kultur Elkarteak 2020-2021 ikasturteari hasiera emango dio urriaren 7an

0
845

Testua: Goienagusi.

Urriaren 7an Goienagusi Kultur Elkarteak 2020-2021 ikasturteari hasiera emango dio Bergarako SEMINARIXOA ARETOAN.

Goienagusiko Batzarrak, Covid-eko pandemia gure gizartean eragiten ari den zailtasunen jakitun, bere kideak parte hartzera animatu nahi ditu, horrela, kultura-jardueraz gain, une hauetan hain beharrezkoa den gizarte-jarduera garatzen laguntzeko, non harreman pertsonalak hain beharrezkoak diren.

Goienagusik hitzaldien programazioari eutsiko dio. Gaur egun, programazio hori da bere jarduera nagusia, baina, nola ez, gaur egungo egoerari egokitua. Saioak astelehenetan eta asteazkenetan egingo dira, ordutegi jarraituan, atsedenik gabe, 10:00etan hasi eta 11:30ean amaituz, eta zehatz-mehatz beteko dira osasun- eta udal-agintariek ezartzen dituzten segurtasun-neurri guztiak (aretoen edukiera, parte-hartzaileen arteko distantzia, maskara nahitaez erabiltzea, sarrera eta irteera mailakatuak, etab.)

Hala ere, Covid-19k eragindako osasun-egoera orokorra hobetu arte, Goienagusik alde batera utziko ditu arrisku handiagoa dakarten beste jarduera batzuk, hala nola, interes kulturaleko lekuetara edo musika-ekitaldietara egindako txangoak eta irteerak.

Aurten ere, Goienagusin parte hartuko dutela baieztatu duten hizlari adituak izango dira, eta gozatzeko aukera izango dugu hainbat gai desberdin jorratuz: historia eta artea, zuzenbidea eta ekonomia, musika, kazetaritza, humanistak, idazleak… Horiez gain, Goienagusirekin ekarlanean arituko dira EHU, Bergarako Laboratoriuma, Mondragon Unibersitatea, UNED Bergara, Deustuko Unibertsitatea,…

Programatutako hitzaldiak euskaraz edo gaztelaniaz emango dira Arrasaten eta Bergaran, eta Bergarakoak irekiak izango dira.

GOIENAGUSI KULTUR ELKARTEA Debagoieneko Pertsonen Elkartea da, eta interesa dute ezagutza zabaltzeko, beren gaitasun intelektualak garatzeko, aisialdiaz gozatzeko eta beste ideia eta pentsamolde batzuetara irekitzeko, gizartean parte hartzea eta garapen aktiboa sustatuz. Goienagusiko bazkideak Arrasate, Bergara, Eskoriatza, Aretxabaleta, Oñati, Aramaio, Leintz Gatzaga eta Antzuolan bizi dira.

ERANTZUN BAT UTZI

Zure iruzkina utzi, mesedez!
Sartu zure izena hemen