Gaur jakin denez, Oscar Garcia Arrasateko PSEko zinegotzi eta Udaleko Obra, Zerbitzu, Mantentze eta Auzoetako arduraduna “arrazoi pertsonalak” argudiatuta utzi du kargua. Garcia erabaki hori hartzera eraman duten arrazoi zehatzak oraindik ez dira ezagutzen, eta gaur arratsaldeko osoko bilkuran egongo den ere ez da baieztatu. Oraingoz protagonistak ez du adierazpenik egin nahi izan gertatutakoaren inguruan.
Garciak (Arrasate, 1979) 1995etik 2003ra bitartean hasi zuen bere ibilbide politikoa PSOEn, Arrasateko gazte sozialisten idazkari nagusi gisa, eta, 1999-2003 agintaldian, Eskoriatzako Udalean ere hainbat lan egin zituen zinegotzi sozialista bezala. 2015ean, Arrasateko PSOEren bozeramailea izan zen, bere aitaren ordez sozialisten idazkari nagusi izendatu ondoren. Ordutik kargu horretan aritu da, gobernu taldearen barruan lanak eginez.
