Argazkiak: AAT.
Aurreko igandean Nazioarteko Juan Mugerza LXXIX. Krosa jokatu zen Elgoibarko Mintxeta instalazioetan.
Arrasate Atletiko Taldeko lasterkariek ondoko emaitzak lortu zituzten: Nile Agirretxek, nesken alebin kategorian, 1.089 metro luzeko lasterketan, 12. postua, eta Lander Lanzosek, mutilen kadete kategorian, 3.667 metro luzeko lasterketan, 25. postua.
Datorren zapatuan Gipuzkoako Txapelketa Absolutua jokatuko da Anoetako belodromoan, eta Arrasate Atletikok bertan parte hartuko du.
