Azaroaren 11n, ‘Mundutik Arrasatera’ ekimenaren barruan, ipuin kontaketa egingo da Santa Marinako liburutegian. Ekimen honetan parte hartzen duten ipuin kontalariak boluntarioak dira eta ez profesionalak. Oraingo honetan Maritere Ruiz de Alegriak ‘Txanogorritxo’ ipuina kontatuko du frantsesez, eta Jasone Giraldok euskaratuko du.
Ipuin-kontaketa arratsaldeko 18:00etan hasiko da, eta 5 urtetik gorako umeei zuzenduta dago. Parte hartzeko izena hemen eman beharko da.
