Union Cerrajeraren bulego zaharretan kokatuta, 46 logela eta 286 lagunentzako lekua duen jatetxe bat ditu.
Mondragon hotelak 1998ko ekainean ireki zituen ateak. Union Cerrajeraren bulego zaharrek hartzen zuten eraikinean dagoen 3 izarreko hotela da. Garai hartatik hainbat elementu arkitektoniko kontserbatzen dira, hala nola beirateak, barruko eskailerak eta begiratokiak.
Hotel-zerbitzuaz gain, establezimenduak beste zerbitzu batzuk ere eskaintzen ditu, besteak beste, kafetegia, jatetxea eta bezeroentzako aparkalekua. Hotelak 42 logela ditu, gela bikoitz eta sinpleen artean. Gainera, familientzako gelak ditu, ohe sofekin. Suite bat ere badute hidromasaje-bainuontziarekin.
Jatetxeak 286 lagunentzako lekua izan ohi du. Covid-19ak sortutako pandemiaren ondorioz, hotela ere arau berrietara egokitu behar izan da, eta, beraz, eremu komunen edukiera aldatu egin da. “Hotelean pentsio erdian edo pentsio osoan geratzen diren bezeroei menu berezia eskaintzen zaie”, establezimenduko arduradunek azaldu digutenez.
Hotelak terrazan duen barbakoak ere arrakasta handia du. Lupia da plater eskatuena. “Badira hilero bisitatzen gaituzten bezeroak, plater hau dastatzeko jatetxean denboraz erreserbatzen dutenak.” Arrakasta handia du, baita ere, establezimenduko sukaldeetan eskuz egiten den gazta-tartak.
Villa de Mondragon hotelak, denboraldiaren arabera, 20 eta 26 arteko langile ditu. Hotelak dituen bezero gehienak enpresakoak dira. Arrasaten eta Leintz bailara osoan dauden enpresetan lan egitera datozen pertsonak dira.
Baina hoteletik jakinarazi dutenez, “azken urteotan, autobidearen irekieraren ondorioz, paseko jende asko dator hotelera, Europa iparraldetik oporrak pasatzera datorren jendea. Bestalde, azken urteotan gero eta jende gehiago animatu da oporrak Euskal Herrian pasatzera. Hasieran, abuztua hotela ireki zenean, ia ez genuen bezerorik, eta orain oso ondo egiten dugu lan. Askotan errepikatzen duen jendea da. ” Aste Santuan eta zubietan ere bezero asko etortzen dira ingurua ezagutzera.
Arrasateko Torlojuak
Hotelak eskaintzen duen espezialitate bat Arrasateko Torlojuak dira. Torloju formako bonboiak dira, hotelean saltzen dira eta jabeak diseinatu zituen. 5 urte inguru daramatzate horiek saltzen “bisitatzen gaituzten pertsonek Arrasateren oroigarri gisa eraman ditzaten asmatu zuten. Onaindia gozotegia irekita zegoenean Arrasateko galtzada-harriak saltzen ziren, baina bezeroek itxitakoan galdetzen zuten zein zen eramateko tipikoa, eta horren ondorioz sortu ziren torlojuak.”
Ildo horretatik, Arrasaten, Gipuzkoan eta inguruko probintzietan bisita ditzaketen lekuen berri ere ematen diete bisitariei. “batez ere udako denboraldian, hotelak turismo-bulego bat dirudi, bezeroek dagoen eskaintzari buruz galdetzen dute, eta guk dituzten aukeren berri ematen saiatzen gara. Bezero askok aukeratzen gaituzte Euskal Herriko erdigunean gaudelako, eta hemendik beste leku batzuk ikustera mugitzen dira. Baita kostaldean baino prezio hobea dugulako ere “.
Informazio gehiago:
Telefonoa: 943 71 24 33
Web gunea: hotelmondragon.com
