“Langileak eserita egotean ez du musukoa erabili beharko, bai espazioa konpartitzean”

0
1231

Hainbat murrizketa iragarri ditu Eusko Jaurlaritzak “asteburu honetan” aplikatzen hasteko. Adibidez ostalaritzako lokalak 01:30ean itxi beharko dira.

Osasun Saileko Nekane Murgak iragarri berri du “asteburu honetarako” ondorengo neurriak onartuko dituela Jaurlaritzak, eta litekeena da “asteburu honetan aplikatzen hastea”:

  • Tabernen, jatetxeen eta elkarte gastronomikoen barruan kontsumitu ahalko da, baina 1:30ean itxi beharko dira, eta ordu erdi izango dute taberna husteko.
  • Diskotekek ere ezingo dute irekita egon 01:30etik aurrera, eta %60koa izango da gehienezko aforoa. Dantza-pistarik gabe jarraituko dute (horren ordez mahaiak).
  • Gainera, ezin izango dira ireki 06:00ak baino lehen. 
  • Gauerdiko 00:00etatik aurrera ezingo da establezimendu horien kanpoaldean kontsumitu, pertsonak ez badauka terrazako mahai bat hartuta.
  • Ekitaldiek 100 pertsona baino gehiago biltzen dituztenean, lokalaren gehienezko aforoak ezin izango du gainditu %80ko portzentajea, eta bertaratuak gehienez 10 laguneko taldetan banatuko dira.
  • Beilatokietan gehienez 60 pertsona egon ahalko dira, bizikide izan ala ez, eta gehienezko aforoa %60koa izango da leku itxietan.
  • Baita ehorzketetan ere.
  • Ezingo da jarduerarik egin gazteen lonjetan eta antzekoetan.
  • Debekatuta egongo dira dantzaldiak eta antzekoak.
  • Lan-munduan orokorrean langileak ez du musukoa jarri behar bere lantokian eserita egotean. Beharrezkoa izango da langileak espazio partekatzen duenean, bileretan, pasiloetan ibiltzean,… langileak elkarrengandik hurbil egotean.
  • Bergaran azken egunetako neurri murriztaileak kenduko dira.

ERANTZUN BAT UTZI

Zure iruzkina utzi, mesedez!
Sartu zure izena hemen