Askapenak antolatuta, urriaren 22an ospatuko da Internazionalista Eguna Arrasaten. Datozen asteetan egitarau zehatza jakinaraziko duten arren, urriaren 22an, goizean aurtengo brigadisten balorazio saioak burutuko dira. Ondoren bazkaria egingo da Gaztetxean (tiketak salgai jarriko dituzte tabernetan). Arratsaldean bertso poteoa herrian zehar, eta bukatzeko, gauean, kontzertuak egongo dira Gaztetxean.
