Udalerrian erosketak egitea aldarrikatzen du Black Arrasatek. Horretarako, “Harreman GKEekin elkarlanean dihardugu”, eta ondorioz “rosketa-esperientzia bi aldiz aberasgarriagoa izango da Kontsumo iraunkorra sustatzen dugu. Arrasaten erostea beti da gozoagoa”.
Beheko testua eta kartela: Ibai-Arte.
Aurten ere, Arrasatek herrian bertan egiten diren erosketen alde egiten du, txikizkako merkataritzari laguntzeko “Herrian erosiz, zure kolesterol-maila gutxitu, estresa murriztu eta zure animoa hobetuko duzu…bada aukera hoberik?” leloa daraman kanpaina deigarriaren eskutik.
Tokiko dendetan erosketak egiteak zergak herrian geratzea dakar, eskualdeko ekonomia indartuz eta udalerrian enplegu gehiago sortuz. Gainera, gure eraginez Arrasate seguruagoa da.
Erosketa-esperientzia, beraz, bi aldiz hobea izango da, ez bakarrik arreta pertsonalizatuagoa izango delako, hurbilagoa, salmenta osteko zerbitzu ezin hobeaz, baizik eta bi aldeek lortutako onura guztiak etxean geratzen direlako.
Klima-aldaketaren alde ere egiten da, herrian bertan erostea iraunkorragoa baita karbono-aztarna txikiagoa delako.
Arrasateko saltokietan erosketak egiteak saria du. Herriko dendetan egiten den erosketa bakoitzak bidezko merkataritzako txokolate tableta bat jasoko du, baina erosketa esperientzia gozoagoa da une oro antolatzen ditugun ekitaldi, promozio, zozketa eta abarrei esker.
Laugarren urtea da Arrasateko GKE honekin elkartasun-ekintza hau burutzen dugula, herrialde behartsuenei laguntzeko konpromisoarekin bat gatozelako. Horretarako, 2.800 txokolate tableta doan banatuko ditugu gure bezeroen artean. Egun hauetan, transakzio ekonomiko hori gozo batekin amaitzea nahi dugu, eta, aldi berean, Harreman GKErekin elkarlanean dihardugu bidezko merkataritzan sentsibilizatzeko.
Harreman GKEk izugarri eskertzen du Ibai-Artek ematen dion ekarpena keinu horren bidez, produktuen jatorria ikusarazten eta hornitzaileari onura justuagoa eta bidezkoagoa bermatzen laguntzen baitie. Azken finean, gure erosketetan gizarte- eta ingurumen-irizpidea lehenetsi nahi dugu. Eta Harremanen espiritua udalerri osoan ezagutaraztea: “Inork ezin die guztiei lagundu, baina denok lagun diezaiokegu norbaiti”.
Ibai-Artek antolatu du ekimena, Arrasateko Udalaren eta Eusko Jaurlaritzako Turismo, Merkataritza eta Kontsumo Sailaren laguntzarekin.
* Ibai-Arteko bazkide ez bazara baina elkartearen edozein ekimenetan parte hartu nahi baduzu, deitu 688734149 telefonora.
