Testua: Debagoieneko Mankomunitatea. Argazkia: Artxiboa.
Azaroaren 4an hasiko da HAZILAN-en 13.edizioa. Azken edizioa izango da. Proiektuak gazte kualifikatuen laneratzea erraztea du helburu, eta jadanik 160 pertsona baino gehiagok partehartu dute.
Gradua edo goi-mailako heziketa ziklo bat bukatu berri duteneei, edota lehenengo lan-esperientzia bila dabiltzanei zuzendutako proiektua da. Baita goi-mailako ikasketak izan arren, beraien ibilbide profesionala oraindik hortik bideratu ez dutenentzat ere.
Partehartzeko honako baldintzak bete behar dira:
- 20-44 urte bitartean izatea,
- goi-mailako ikasketak amaituta izatea (lanbide heziketako goi-mailako ziklo bat edota unibertsitate ikasketak),
- langabezian egotea (ez da ezinbestekoa),
- eta Debagoieneko herriren batean erroldatuta egotea.
ZERTARAKO HAZILAN?
HAZILANek partehartzaileen gaitasunak identifikatu eta indartzen lagunduko die, eta lana lortzeko behar dituzten baliabideak emango dizkie, tailer teoriko-praktiko baten bidez.
Ondoren, eskualdeko enpresetan praktikak egingo dituzte, lan-esperientzia berriak biziz eta enplegurako sarbidea erraztuz.
AURKEZPEN JARDUNALDIA
Proiektuaren berri emateko eta zalantzak argitzeko aurkezpen saioa egingo da.
- Eguna: URRIAK 4, asteartea
- Ordua: 10:00ak
- Lekua: Debagoieneko Makomunitatea – Udalaitz Aretoa (Nafarroa Etorbidea 17, Arrasate)
- IZEN-EMATEA (aurkezpen jardunaldia)
Partehartzeko interesa izanez gero, izena emateko ESKAERA ORRIA bete beharko da eta bertan zehaztutako dokumentazioarekin batera, Mankomunitatean aurkeztu, urriaren 14a baino lehen.
EMAITZAK
2021ean gauzatutako 2 edizioetako datuen arabera, emaitzak onak direla esan daiteke. Partehartzaileen %90ak laneratzea lortu du bide desberdinetatik bada ere; 13 praktika kudeatu dira eta horietatik erdiak geratu dira enpresan lanean; gainontzekoek, praktikak bukatu ondoren, beste enpresa batzuetan aurkitu dute lana. Gainera, Covid garaian praktikak bilatzeko zailtasunak izan direnean, azpimarratzeko da, partaideen %41ak praktikak egin gabe lortu duela laneratzea. Horrek adierazten du,tailerrean
landutako konpetentzia eta edukiek, lan-bilaketarako baliagarriak zaizkien tresna eta baliabideak eskaintzen dizkiela.
Kontuan hartzeko datak:
- Aurkezpen jardunaldia: urriak 4, asteartea (10:00)
- Hazilan-en inskribatzeko epea: 2022ko urriaren 14a.
- Ikastaroaren hasiera data: 2022ko azaroaren 4an.
Informazio gehiago: hazilan@debagoiena.eus // 943 793090 // www.debagoiena.eus
Hazilan proiektua Euskadiko Programa Operatiboaren barne dago eta Europako Gizarte Funtsak % 50ean finantzatzen du
