Elvira G. Luquek ‘Cafe sola’ poema-liburua aurkeztu du Gaztetxean La Furiaren eta Iraitz Agirreren babesarekin

0
323

Gaur eguerdian, Elvira G. Luque Elvirus IRA rap taldeko kideak ‘Cafe sola’ poema-liburua aurkeztu du Gaztetxean. Aurkezpenean Nerea Loron La Furia eta Iraitz Agirre izan ditu lagun.

Elvira G.Luque (Madril, 1994), Elvirus bezala ezaguna, IRA rap taldeko partaideetako bat da, 2016an sortua eta estilo borrokalari eta feministagatik ezaugarritua. Orain, Luquek bere lehen poema-liburua argitaratu du, ‘Cafe Sola’, Inflamavle argitaletxearen eskutik.

Sortzen urteak eman arren, 2020ko martxora arte, konfinamendu betean, ez zen planteatu bere testu poetikoak biltzea: emaitza bertso librean idatzitako lehen lan bat da, kutsu intimistarekin, osasun mentala, desamodioa edo prekarietatea bezalako gaiak jorratzen dituena.

Nahiz eta ‘Cafe Sola’ poemarioak izaera autobiografiko nabarmena izan, berau egituratzen duten gaiak belaunaldiz belaunaldi interpreta daitezke: Osasun mentalari, prekarietateari, bakardadeari eta desamodioari buruzko bizipenez gain, Rosa Berbel, Rocio Acebal edo Carlos Catena poeta gazteen lanetan ere agertzen dira.

ERANTZUN BAT UTZI

Zure iruzkina utzi, mesedez!
Sartu zure izena hemen