Arrasatear ugari izan ziren atzo arratsaldean Bizitzakideak plataformak deitutako Covid pasaportearen aurkako manifestazioan parte hartu zutenak. ‘Covid paseari ez’ lelopean erdiguneko kaleak zeharkatu zituzten.
Manifestazioaren amaieran Seber Altube plazan irakurritako manifestuan azaldu zutenez “Covid pasaportearekin geure komunitatea zatitzera gonbidatzen gaituzte.” Gaineratu zutenez, “Deialdi honekin bat egiten dugunok, ateak ez ezik, bihotza ere zabaldu nahi diegu bazterrean utzi nahi diren horiei guztiei, txertoaren aurrean edozein hautu egin dutelarik ere. Covid Pasaporteak oinarrizko eskubideak larriki zapaltzen ditu.” Amaitzeko, azpimarratu zuten “Covid pasaportearen aurka gaudela, baina osasunaren alde.”
Manifestu osoa:
“Gure eskualdeko herri guztietan dagoeneko talde antolatuetan elkartu garen ehunka pertsonen izenean dei bat egitera gatoz.
Dementziak jota gure herriko erresidentzian dagoen adineko gaixo bati bere senideak bixitan joatea ukatzen ari dira. Arrasateko ospitalean ere berdin. Kirol, kultur edo aisiako jardueretan, haur eta gaztetxo batzuei betoa jarri zaie, beren kide guztiek normaltasunez jokatzen edo parte hartzen duten bitartean. Bizkarreko minetik osatzeko kiroldegian errehabilitazioa egiten zuten batzuk, ez dute jada horretarako aukerarik, minarekin bizitzen ikasi beste aukerarik ez.
Ezin ditugu aipatu Covid Pasaportea exijituz gertatzen ari diren bazterketa mota guztiak, baina Covid ziurtagiria eskatzeko agintzen digutenean, bereizkeriaz jokatzeko agintzen digute. Gizarte-kontrolaren eta bazterketaren partaide egin nahi gaituzte. Edozein pertsonak txertoaren gainean egindako aukeraketa agerian uztera behartzen gaituzte. Gure komunitateko pertsona batzuei etxeko, tabernako, kiroldegiko, ospitaleko, erresidentziako edo beste edozein lekutako ateak ixteko esaten digute, eta geure komunitatea
zatitzera gonbidatzen gaituzte.
Guk badakigu Pasaporte hori ez duten pertsonek hainbat egoera eta arrazoi izan ditzaketela egin duten
osasun aukera eskubide osoz egiteko.
Deialdi honekin bat egiten dugunok, ateak ez ezik, bihotza ere zabaldu nahi diegu bazterrean utzi nahi diren horiei guztiei, txertoaren aurrean edozein hautu egin dutelarik ere. Arrazakeriaz edo homofobiaz baztertua izan den hori bezala, guk senidetasunez, elkartasunez, enpatiaz eta besoak zabalik hartzen dugu gure etxean, eta babesten, soilik baztertu nahi izan delako. Senideak baikara, lagunak, herrikideak, komunitate berekoak. Proposatzen diguten esklusioaren aurrean, zaintzaren eta sendabidearen hautua egin behar dugu, orain, inoiz baino gehiago. Batu gaitezen txertatuak eta txertatu gabeak.
Izan ere, egoera hau ez da larria soilik txertoa ez hartzea erabaki duten pertsonentzat eta haien seme-alabentzat. Gizarte osoarentzat da larria. Giza eskubideak pertsona guztientzat izatea hamarkada askotako borroka eta lanaren bidez lortu da. Eta Covid Pasaporteak oinarrizko eskubide horiek larriki zapaltzen ditu.
Horregatik, guk ez dugu aldarrikatzen jarrera indibidualistarik; aitzitik, arbuiatu egiten dugu edozein herritarren bazterketa, eta benetako gizalegea sustatu nahi dugu. Azken dekretua ez dugula onartzen esatean, ez dugu desobedientzia proposatzen; baizik eta gizarteak antolatzeko bere buruari eman dizkion eta juridikoki dekretuaren gainetik dauden oinarrizko legeak, nazioarteko itunak eta eskubide unibertsalak betetzea. Hamarkadaz hamarkada borroka eta lan neketsuaren bidez gizarteak eskuratu dituen lorpen
guztiei eutsi behar zaie, gaur egungo bizikidetzaren oinarriak direlako. Giza eskubideek guztiontzat izaten jarraitu behar dutelako.
Eusko Jaurlaritzako Osasun Sailburuordearen hitzetan, Covid pasaporteak “ez du osasun kontuekin zerikusirik”. Orduan, zer zentzu dauka pasaporteak?
Gizartearen zatiketari ihes egin behar diogu, baita logika indibidualista eta punitiboen normalizazioari ere. Gure herrietan sakon erroturik dauzkagun balore komunitarioei eta humanistei eusteko unea da.
Guzti honengatik elkartu gara gaur, Arrasaten, giza-eskubideen defentsan eta bereizkeriari EZD esateko, covid pasaporteari ezetz esanez.
Eta aldiz osasunari BAI! Esaten diogu
Osasungintza publikoari BAI!
Eta ELKARBIZITZARI BAI!
Kaixo: norbaitek ahal dit azaldu zer esan nahi duen “bizitzakide” hitzak? Arrotza egiten zait; jakin nahi nuke zehatz-mehatz bere esanahia. Hiztegietan ere ez da agertzen.
Eskerrik asko!
Bizitza.eus Interes politikoetatik kanpo dagoen Osasuna eta askatasunaren aldeko plataforma da
Guztion berdintasuna aldarrikatzen dauen erakundea
Eskerrikasko Bizitza
“Bizitzakide” hauek Bizitza plataformarekin zerikusirik baldin badute, nire aldetik joan daitezke pikutara!
Bizitza plataformak ez du osasunaren alde egiten, eta askatasunaren zentzu liberalena besarkatu du. Indibidualismoa komunitatearen gainetik.
Utikan!
Hori gezurra da!! Interes asko daude atzean eta gutxi dute osasunaren aldekoak.Zer proposatu dute ba?denaren aurka egon dira eta jendea hiltzen uztea beste alternatibarik ez dute proposatu. Popatik!!kontuz ze askok ez dakizue nom sartzen ari zareten
BIZITZAKIDE – OEH – OROTARIKO EUSKAL HIZTEGIA
bizitzakide.
bizitzakide . “Convictorista” Lar.
Definición
Qué es, concepto o significado
Sustantivo masculino. Esta palabra es un arcaísmo, se dice de un alumno o discípulo puede ser un joven que pertenece a un convictorio jesuita o de cualquier orden religiosa, en cualquier sección que hace parte de los seminarios que estudian los formados, llamado también seminarista.
Eskerrikasko ere Mondraberri
Manifestaldi hauek telebistetan eta komunikabideetan ez agerarazteko agindua dute Eitb-k eta abar
Beraz, Eskerrikasko mondraberri errealitate bat zabaltzeagatik
Lau katu egon ziren..zorionez!
Ikusi dozu bidixue? Lau katu? Ea azkar amaitzen dan pandemia ze burua galdu dou
Bai bailarako manifa bat zen… lau katu
Baina Bizitzakide , Bizitza plataforma da?? Ze iruditzen zait berdinak direla baina interesengatik ez dutela izen hori erabiltzen. Bat egin duen jende askok ez dauka idearik ere talde honen interesak zeintzuk diren. Ideia ultraeskuindarren defendatzaileak baina disfrazatuta. Eman benetako aurpegia!!!
Hau da lana ematen dizuna taldearen izenak!!
Aurreko batean zure galdera argi eta garbi erantzun zizuten. Ez zaizu argi gelditu?
Bizitzakide da Bizitza esatea bezala, baina diximuluan, lotsa pixka batekin.
Hori da, “ni contigo, ni sin ti”, konbenientziaren arabera.
Tira, kontua da Bizitzakoek orain hurrengoan Polizia Nazional negazionistei (maderoei!) altaboza jarri zietela, eta baten bat ohartuko zela -nik uste- hola ez zegoela gure bailaran errotzerik. Gainera, Bizitza plataforman pixkat saltseatuz gero oso nabarmena da trumpismoaren kiratsa. Hori hala, hemengo batzuek pentsatuko zuten komenigarria izango zela gure bailararen zera diferentziala pittin bat azpimarratzea, BIzitzaren bertsio light-ago bat erakustea eta horretarako, izena, ez guztiz, baina zertxobait aldatzea. Hau da, gure bailarako negazionistak Bizitzakoak dira planteamenduetan, soziologian, negazionismo hertsian… baina usain trumpista erakusteko, oraindik behintzat, ez daude prest.
Kaixo, zuri ere berdina erantzungo dizut. Irakurri duzu aurreko batean emandako azalpena?
Ez, Larraitz, ez dut irakurri. Estekaren bat jarriko, asko eskatzea ez bada?
Taldearen izena oso garrantzitsua da. Bizitzakoek maderoei hitza eman zieten Bilbon. Horrekin ultraeskundarren idea argi ta garbi gelditzen da. Baina noski hori ez zaizue interesatzen.
Nik galdera bat daukat Bizitzakideentzat: ez al da kontraesana zuentzat, pasaportearen kontua dela-eta enpatia eta elkartasuna eskatzen ibiltzea, baina, aldi berean, txertorik ez hartzea, jakinean jarrera horrekin ospitalak betetzen direla (txertatu bakoek 10 aldiz gehiago betetzen dituzte ospitalak), gaixo kronikoak atentzio barik geratzen direla, ebakuntzak-eta atzeratzen ari direla…?
Manifestaldiko gehiengoa txertatutako jendea izan da ..
Konturatuko zarete egunen baten guzti honen garrantziaz
Pasaporteak ez du zer ikusirik giza osasunarekin
Segi zuen beldurrarekin Baina nire askatasuna ez da bukatuko zuen beldurra hasten den puntutik.
Nire doluminak Txertoarekin dena bukatuko zela sinistu duzuenoi.
Nola dakizu manifestazioan izan zen gehiengoa txertatuta zegoela? Pasaporteak eskatzen ibili zinen, akaso? (txantxa da, lasai…). Nik, irudiak ikusita, lagun eta ezagun dexente ikusi ditut, denak ere anti-txerto deklaratuak. Baina tira, ez diozu nire galderari erantzun.
Zertara dator beldurraren aipamen hori?
Amaitzeko, nik ez dut esan, ezta iradoki ere, Txertoarekin (sic) dena bukatuko denik sinisten dudanik. Uste dut aurreiritziek itsutzen zaituztela. Kontua da ez diozula nire galderari erantzun.
Txertoaren kontra dauden asko ikusi nituen propaganda bideoan…ez gaitzazue engainatu!!
Erantzungo dizut, manifestaldiko gehiengoa txertatutako jendea izan harren, ez txertatzeko erabakia hartu dutenek, bere osasunagatik legaltasunean autatutako erabakia hartu dute.
Orain diozunaren Arabera : erretzaile, sedentario, edo alkoholikoak zuzenean Akatu edo hiltzen utzi beharko genituen, ezta?
Ospitaletan ez txertatuak diozunean ( nola hartzen dituzte datuak? Ba al dakizu leku askotan 3º Txertoa ez dutenak ez txertatu bezala zenbatzen direla?)
Beste hitz batzutan: ez dugu inungo arrazakeri, tratamendu homofobiko edo diskriminazio onartuko.
Nekatuari esan diodana errepikatuko dizut zuri, Errea: nola dakizu atzoko manifestazioan izan zen gehiengoa txertatuta zegoela? Pasaporteak eskatzen ibili zinen, akaso? (txantxa da, lasai…).
Bai, ondo diozun bezala, ez txertatzeko erabakia hartu dutenek legaltasunean hartu dute. Baina nire galdera legaltasunaren eremutik haraxeago doa, etikaren eremura, hain zuzen ere. Zuri etikoa (edo legitimoa) iruditzen zaizu erabaki bat indibidualismotik hartzea, jakinean erabaki hori kaltegarria izango dela komunitatearentzat, baina gero komunitate horri berari elkartasuna eta enpatia eskatzea, pasaporte batekin zenbait lekutara sartzea galarazi dizutelako? Horrek ez dizu kortozirkuiturik sortzen buruan?
Gauzak argi: ni erretzaileak, sedentarioak, alkoholikoak eta baita negazionista sutsuenak ERE laguntzearen aldekoa naiz, dauden baliabide guztiekin lagundu ere. Nondik atera duzu kontrakoa? Berriz ere aurreiritziak.
Orain zer, kuestionatu behar duzu txertatu gabekoak 10 aldiz gehiago betetzen dituztela ospitalak txertatuek baino? Ze datu gordinok ezbaian jarri behar badituzu, zuk eta nik ez daukagu ezer eztabaidatzeko.
Eta zuri etikoa edo legitimoa iruditzen zaizu pasaporte faxista hau?
Ni pasaportearen kontra nago. Dena den, faborez, ez banalizatu faxismoa, nazismoa eta apartheida modu horretan. Mesede exkaxa egiten diozue zuen aldarriari.
Nik datu gordinak ezbaian jartzen ditut Jonas eta ez naiz negazionista bat. Datuak modu maltzurrean erabiltzen dira konbenientziaren arabera eta komunikabide gehienek informatu beharrean, gure iritzia baldintzatzen laguntzen dute interes desberdinengatik (bozkak, subentzioak…) . Horregatik ez nuke galdu gurako zurekin eztabaidatzeko aukera
Luis Miguel, datu gordinak ezbaian jartzen hasten bagara, txarto gabiltza. Datu gordinak datuak besterik ez dira, zenbaketa hutsak. Gero datu horiek manipulatu egin daitezkeela, ba jakina, baina goazen harira: zuk zalantzan jartzen duzu txertatu bakoek, proportzioan, txertatutakoek baino gutxi gorabehera 10 aldiz gehiago betetzen dituztela gaur egun ospitalak? Hori hala dela onartzen baduzu, eztabaida dezagun nahi adina; bestela, bion artean ez dago debaterik.
Ai Jonas, argitudazu bidea, datu gordinak datuak bestetik ez direla diozu… (orduan objetiboak suposatzen dut) diozu eta gero diozu “jakina manipulatu daitezkeela” (beraz agian esaten dena zalantzan jarri ahal dela).
Zuk aipatzen dituzun datuak (ez bakunatuek ospitaleak betetzen dituztela10 aldiz gehiago) ez dira publikoak, hain zuzen ere bestela ezin direlako manipulatu…
Zurekin debatitzeko zure egi absolutuak jan behar badira, nirekin jai!!
Zuk esan duzun bezala, datu gordinak datu objektiboak dira. Horri buruz ari nintzen. Gero manipulazioak datoz datu horiek interpretatzeko orduan.
Nik diodana da -eta ez daukat zuri bidea argitzeko pretentsiorik, lasai- Espainiako Osasun Ministerioak argitaratzen dituen datu gordin eta zenbagarrietan argi eta garbi ikusten dela ospitaleratze tasak, txertatu bakoen artean, 10 bider handiagoak direla txertatutakoen artean baino. Eta nik esaten dizut berriro ere: hori onartzeko prest zaude? Ala hori ere manipulazioa da eta bla bla bla? Ze horrela hasten bagara, hau da, dena zalantzan jartzen eta erlatibizatzen hasten bagara, absurduraino joan gaitezke. Izan ere, negazionistek (eta erlatibistek, niri parra) horixe egiten dute: datuetan oinarritutako argudio sendoen faltan, eztabaida guztiak absurduaren eremura eraman.
Nik esan dudana datu objetibo horiek ez direla publikoak, beraz ez dira objetiboak ez dakigulako zeintzuk diren.
Zuk ere datuak non dauden aurkeztu barik, ospitaleratze tasa 10 aldiz handiagoa dela esaten duzu, Sagarduik azken agerraldian eta kazetariek datuak eskatuta, (ez zituen datuak aurkeztu, ezta non dauden esan)a 3 aldiz aukera gehiago leporatu zien ez bakunatu gaiztoei. 10 eta 3 agian berdina da? ba bai biak gezurrak dira.
Esan dizut ez naizela negazionista eta manifestazioan egondako gehienak ezta ere, baina zuk interes berezia duzu niri negazionista deitzeko. Agian gustuko izango dituzu maketo, moro, feminazi edo pantxito bezalako mezpresuzko markak. Nik ez ditut batere atsegin, edo zuri gustatuko litzaizuke totalitarista, absolutista (egi absolutuzale) edo fatxa bezalako hitzekin deitzea? seguru ezetz, baina lasai, nik ez dizut deituko.
Lotzagarrixa. Ez nauen uste Arrasaten holako manifestaziñuak antolatzen zirenik.
Gero negarrez eta orroka ibiltzen die ordutegi murrizketak jartzen badaue.
Zuk bai emuten dozula lotzia
Polizia nazionalai abotza emuten dotzan talde batekin bat itxia… ejem… voxekuekin juan zaitezkete.Ideologia bera dute.
Hau amorrua eta lana izenak ematen dizuena, kar, kar. Arrasatearra esango didazu zer bitzen duten EH Bildukoek? Edo Jonas EAJk zeren jeltzaleak diren? Benga ia… badakitzue zein dan zuen amorruaren arrazoia? Barru barruan gure berdina pentsatzen duzuela, gure usteekin bat egiten duzuela,… baina ez txertatzeko adorerik izan ez duzuenez nahiago duzuela jendea zapaltzen ikustea okerra onartzea baino! Ba etsai okerra aukeratu duzue, gu ez gaudelako txertatuen aurka ezta zuen aurka ere.
Sistema honek inposatu nahi duen kontrol sozialaren kontra gaude, hori bai, eta hor zuek konturatzen ez zareten arren, zuen eskubideen defentzan ere ari gara.
Beraz ez oker aritu, gu ez gara etsaia, mesedez ez sinistu telebistak esaten dizuen guztia, zabaldu begiak eta eragin! Bakunatuta egon ala ez berdin dio!
Bukatzeko, zorionak atzokoaren antolatzailei, ederra izan zen eta!
Ez nau izenak arduratzen, izanak baizik. Arduratzen nau magufokeriak, indibidualkeriak, irrazionalkeriak, Ayusokeriak, faxistekiko konnibentziak. Horrek arduratzen nau.
Baina zu, Kalakan, hain zara lixtoa ezen badakizu zer den sakonean, barruan eta saihets artean dabilkidana, alegia, ez txertatzeko nahi sakon baina gauzatu ezina, horretarako adorerik ez eta. Bai, jakina, sakonean ez txertatuta hobe, hil daitezela zaharrak, zaurgarriak, ahulak… has dadila festa! Inbidiak akabatzen nau, zure ausardiaren tamaina ikusita! A ze balentria zurea, txertatu bakoaren adore bipila!
Mesedez, estimatzen dizut, baina ez etorri nire eskubideak defendatzera, zugandik gurago urrun.
Eta kontrol sozialarena… ba tira, zer esango dizut ba? Atzo goizean jaio zinen?
Hobeto ezin erantzun. Bolsonaro eta Ayusoren jarraitzaile finak bailaran…
Kar, Kar, , eta zeu ni babesteko bakunatu zara ezta? Zure bakunak ez bazaitu babesten… Nola babestuko dizu neriak? Ez ikusi horrenbeste telebista Jonas, benetako birusa hortik sartzen da eta.
Eta utzi apokalipsia erabiltzeari mesedez, ez dizu arrazoi gehiago ematen.
Kalakan, nik txertoa hartu dut nire burua babesteko eta pertsona zaurgarriak babesteko. Eta zu pertsona zaurgarrien artean bazaude -ez baitakit- zu ere babesteko, jakina, hori baita txertatzeak dakarren gauza on bat.
Txertoak gizakiaren historian zehar ekarri dituen onurak ulertzeko gai ez bazara, zer egingo diot nik ba!
Telbistarik apenas, Kalakan, ia batere ez. Hori bai, nik nahi nuke jakin zein diren zure informazio-iturriak, nik ere zu bezain jakintsu izan nahi nuke eta!
Guztiz errespetagarria zure aukera.
Berdin errespetatzen al da txertatu gabeena?
Zergatik justifikatu behar du txertatu gabe ez dagoen batek etengabe bere hautua? Sorgin ehiza dirudi honek!!
Eta harira… atzoko manifak ez zuen zerikusirik txertoekin. Lema bakarra eta argia zen: Covid Paseari Ez.
Ba begira, Larraitz, guztiz zintzoa izango natzaizu erantzun honetan. Barka lartxo luzatzen banaiz, baina uste dut merezi duela.
Txertatzeko orduan, denok ikusi dugu zer dagoen jokoan, alde batetik, erabaki pertsonala da, banakakoa, baina horretaz aparte, erabaki horrek sekulako inplikazio kolektiboa dauka, komunitatea bete-betean hartzen baitu.
Hasteko, esan behar dizut txertatzera joan garenok ez garela poz-pozik eta jai giroan joan banderillak jasotzera. Aitzitik, guk ere nahiago genukeen txertorik hartu behar ez izana. Baina, erantzukizunez, hartzea erabaki dugu, gure zaharrak eta gure pertsona zaurgarriak babesteko. Hau da, indibidualtasunaren eremutik kolektibotasunaren eremura salto egin dugu, etikoki aukera ona horixe delakoan.
Ikusten dugu zuek ez duzuela salto hori eman nahi izan, hau da, zeuen indibidualtasunean katigaturik geratu zarete eta NI-ari garrantzi handiagoa eman diozue GU-ari baino. Sentitzen dut, Larraitz, baina hautu egoista egin duzue. Horrek esan nahi du zuen erabakia onartuko ez dugunik? Ez. Nik behintzat ez dut inor obligatu gura. Bestela esanda, onartzen dut zuen erabakia, baina zuen erabakia errespetatu, ba ez zait errespetagarria denik iruditzen… Eta sentitzen dut halaxe sentitzea, baina erabaki egoistak ez zaizkit errespetagarriak iruditzen. Dena den, zuek egin duzue zuen hautua, kito, ya, bale, oso ondo!…
Orain, baina, pasaportearena etorri da eta enpatia, senidetasun eta elkartasun eske zatozte guregana… eta txertatu garenotako askok esaten dugu: Eta non egon da zuen enpatia eta elkartasuna komunitatearen alde pauso bat aurrera egin behar zenean??? Bai, pasaportea oso injustua da, ikusten dugu, eta kontra gaude… Baina ez, ez gara zuen alde kalera atera, ez baitugu ikusi zuen aldetik orain guri eskatzen diguzuena. Zuk esan duzu: “Atzoko manifak ez zuen zerikusirik txertoekin”. Eta hor dago benetako gakoa, Larraitz; zuek nahi izan dituzue pasaportea eta txertoa biak desbinkulatu, hola jende gehiago erakarriko zenutelakoan. Baina guk, txertatu garen gehienok, bai ikusi dugu lotura hori eta ez gara zuei babesa ematera atera, pasaportearen asunto zikin hau eta txertoarena txanponaren bi alde direlako, oso lotuta daudenak.
Ikusi ditut manifaren irudiak, tartean jende ezaguna eta lagun handiak ere bai: 5etik 4, txertatu bakoak. Ziur naiz borondate oneko txertaturen bat edo beste ere han izango zela, baina gehien-gehienok, Larraitz, etxean geratu ginen.
Ez dakit zein izango den zuen irakurketa, baina bailara mailako manifa batean, eta jende gehiena -esango nuke baietz, gehiena- pasaportearen kontra egonda, ehunka batzuk bakarrik mobilizatzea frakaso bat da. Frakaso hori ulertzeko klabe batzuk eman dizkizudalakoan nago.
PD: gero aipatuko nuke Bizitza Plataformaren mamua ere hor egon dela airean. Niri behintzat plataforma horrek sekulako higuina ematen dit, eta bai, zuen manifa ere bertan iragarrita zegoen (izena aukeratzerakoan ez zarete batere argi ibili).
Lehenik eta behin pare bat kontu argitzea ezinbestekoa iruditzen zait, Jonas.
Eman ditudan erantzun guztiak nire izenarekin egin ditut, ez dakit zergaitik idazten duzun pluralean niri zuzentzeko. Ez dut inongo talde/plataformarik ordezkatzen.
Zuk bai, Jonas?
Zuek egin duzuen bezala egin bagenu denok hau jasangaitza izango litzateke.Besteok bakunatu garelako helduko gara segituan normalitatera.Eta intzidentzia x5 izan arren ingresoak ÷5 dira.Ez ahaztu guri esker aterako garela hemendik, ez duen jarrera egoistagatik.
Ez duzue alternatiba bat ere proposatu jendea hiltzen uztea baino.Niri zuen jarrerak ematen dit nazka.Ezpaituzue gizartean pentsatzen.Hala ere pozten naiz, ni eta nire ingurukoek zuen bizitza hobetzen lagunduko dizuelako. Zorte on, baina inori lekziorik emateko ez zaudete.Gure gizarteko lotsa zarete. Kapitalismoak bultzatzen duen indibidualismo nazkarria duzue lematzat.
Larraitzi:
Aizu, Larraitz, gehienetan singularrean zuzendu natzaizu, zure izena erabiliz. Dena den, batzuetan plurala erabili dut zu ez-txertatuen artean sartzeko, bai. Eta plurala erabili dut, baita ere, neure burua txertatuen artean kokatzeko. Zein da arazoa?
Uste dut heziera onez eta errespetuz erantzun dizudala, luze erantzun ere. Sentitzen dut halako edo holako taldean zeure burua sartuta ikusita minduta sentitu bazara. Dena den, uste nuen zure ekarpena aberasgarriagoa izango zela. Usteak ustel, antza.
Pasaporteak garbi erakutsi du ez duela zipitzik balio izan,esango nuke txarrago,jente asko konfidatu bait da ditxozozko pasaporte onekin ,datuak ikustea besterik ez dago inoizko daturik txarrenak askogatik,pasaportearen helburua herritarrak bata besteari Mokoka jartzea zen, ta lortu dutela argi ikusten da…Uktraeskuindarra diote orain,txarragoa dela esango nuke zergak ordaintzen Ari zaren herri batean,herriko leku publikoetara sartzeko debekua izatea.Esaera zaharrak zioen bezala”HAMAIKA IKUSTEKOAK JAIOAK”.Azken aipamena,1go dosia hartzeko pilitikari denak agertu ziren telebistan ziztada hartzeko,zenbat ikusi ditugu 3garrena hartzen?0 .Esperimenta dezatela kaleko jente arruntarekin badaezoada…
Kriston paranoiak dituzue txertoekin…en fin… ni ez nago pasaportearen alde, baina hortik Bizitza plataformarekin bat egitera kriston aldea dago.
Bizitzakoak horren aurretik denaren aurka egon dira. Indibidiualismo kapitalista bultzatzen dute.Norbanakoaren egoismoa aurretik… Beraz pasaportearen aurka ados.Baina Bizitzarekin ezta bi pausu ere!!!
Txertatua eta txertoen aldekoa naiz. Gaur egun bizi dugun egoera horren larria ez bada, hein handi batean txertoei esker da. Horretaz ez daukot zalantzarik.
Baina komunikabide zein partidu politikoen partetik bizi dugun egoeraren manipulación zein monopolioa, nazkagarria da. Egunero saltzen diguten gezur sortak higuina ematen du. Goebbelsen lan txukuna emuten du honek. Unerik une talde zehatz batzuen gaineko presio kanpainek ez duten hitzik.
Okerrena gizarte moduan eztabaidarako gaitasuna lapurtu digutela da. Horregatik, sarritan, gertatzen den guzti honekin kritikoak direnekin bat egiten dut, eta honegatik,hain zuzen ere, manifara joan nintzen.
Ulertzen dut diozuna, Tximino. Jende asko eta asko gaude zu bezain erreta. Hala ere, negazionistekin bat egitea ez zait aukera ona iruditzen. Jakin behar dugu nola kanalizatu gure amorrua, eta horretarako ezin aproposagoak iruditzen zaizkit osasun sistema publikoa eta bertako langileak babesteko manifak eta denetariko protestak. Langileen arteko elkartasuna eta babesa, horixe da bidea, ene uste apalean. Hor ikusiko dugu elkar, Tximino.
Eztabaida guzti honetan, erabat ados Jonasekin. Nireak egiten, ta sentitzen dittut, bere hitz eta erantzun guztiak. Garbiago ezin esan…
Pozten naiz. Besarkada birtual bat, Saio.
Puff, saiatu naiz manifaren zergatia zerbait ulertzen baina ezinezkoa egin zait. Argi dudan gauza bakarra da egiten dena egiten dela, beeeti egingo da zerbait manifa bat egiteko. Hasieran musukoak, gero txertoak, orain Covid pasaportea…
Zenbat amorru…
Eta desakreditatzeko Zenbat ahalegin…
honek ez du zer ikusirik ultraeskuinarekin,
Udaltzaingoaren barruan, bomberoen barruan, edota poliziaren barruan ere , erakunde ezberdinak dau de ( policías por la verdad, médicos por la verdad etc)
Zuri hau explikatzea, eta ulertzea oso zaila dela uste dut . Nahi duzuna ulertuko duzulako. Zure interes politikoen arabera , Baina ni interes politikoetatik haratago nabil.
Txertoak ez du zer ikusirik.
Pasaportea eta honek dakarren bazterkerkari buruz Hari gara.
Hazte oso gutxi manifan, zergatik? Gehienek pasaportea dutelako eta ez dutelako Ulertzen hilabete pare baten pasaportea kadukatuko zaiela eta hurrengo txerto bat jarriko diotela, ( txertoa deitzea ere ez da egokia) tratamendu experimentala bai da. (Ez dira txerto modura onartu, tratamendu experimental bat bezela baizik.)
Baina zuek segi beldurraren eskuetan…
Hori gezurra da. Begira covid pasaportearekin hasten zara eta txertoen aurka bukatzen duzu.. neuk ere hementxe utziko dut eztabaida. Eta ados nago covid pasaportearen aurka manifestatzeko baina ez Bizitza plataformarekin. Voxekin joango ez nintzen moduan. Eta manifaren aldeko bideoan txertatu ez den jende dexente ageri zen…ezagutzen ditut eta.Beraz gaiak nahastea ez baduzue nahi, ez nahastu zuek jendea.
Hemen beldurra sartu nahian dabiltzanak zu eta zu bezalakoak zarete: “Txertoa deitzea ez da egokia”; “Tratamendu esperimental bat da” (horra hor zure azken perla biak, Nekatu); “Grafenoa daramate”; “5Garekin konektatuta daude”…. Aizu, eta zabor beldurgarri hori guztia behin eta berriz botata, zer mesede egiten diguzue 2-3 aldiz txertatu garenoi? Zer da, alderantzizko enpatia moduko bat? Zuk uste duzu kaka guzti hori entzutea guretzat lasaigarria dela, ala erabat kontrakoa? Eta kaka guzti hori bota eta gero, zer nahi duzu(e), pasaportearen asuntoagatik gu kalera irtetea zuek babestera? Larrua behar da gero!
“Por sus obras los conocerás”
Hemen beldurra sartzen dutenak zu eta zu bezalakoak zarete, Nekatu: “Txertoa deitzea ez da egokia”, “tratamendu esperimental bat da”; horra hor zure azken perla biak. Beste batzuk: “Txertoak grafenoa darama”, “autismoa eragiten du”, “5Garekin konektatuta dago”… Zer mesede egiten digu 2-3 aldiz txertatu garenoi zuen ahotik kaka hori entzuteak? Zergatik ibiltzen zarete gu aterrorizatu guran? Zer sadismo mota da horretara bultzatzen zaituztena? Hori bai, gero etorri gugana pasaportearen kontuarekin: “ai, ai, ai, eske ez dustie tabernan sartzen ixten!”, “Ai, ai, ai, eske kiroldegian eskatu egiten dute!”. Larrua behar da gero!
Grafenoarena zuk esan duzu…
Eta txertoak tratamendu esperimentala direla OMS berak dio… gainontzeko dana autismoa 5g eta abar zure kontuak dira jonax
Bai, grafenoarena, 5Grena, autismoarena… Horiek guztiak nik aipatu ditut, behin eta berriz entzuten ditudalako negazionisten ahotik, eta ondo bereizi ditut zuk botatako bi perletatik. Zuk esan duzu txertoa deitzea ez dela egokia eta tratamendu esperimentala dela. Non eta noiz esan du OMEk hori? Jakin daiteke?
Herri honetan gai denak nahasteko zelako ohitura daukogun!!!! Bizitza, Box, maderoak, ultraeskuindarra, Txironistak, jeltzaleak, podemitak,…. Aldarrikatzen dena justua eta legezkoa bada, zein da arazoa? Nork egiten duen? Nola? Agian euskal partido politiko ofizialei, behingoz akrilikoak izateari utzi diezaieten eskatu beharra dago, eta esaten/inposatzen diguten denari amen egin ez diezaioten eskatu beharko genieke.
Klase politikoak erabat desepzionatu nau.
Amén
Vox pasaportearen kontra dago, erabat. Voxek pasaportearen kontrako manifa bat antolatuko balu, zu joango zinateke, Tximino?
Tematuta zaudete, dana zuen eremu politikoetara eramaten…
Kasu hortan non letxes dago ezkerra?
Zenbat mamertino herri honetan
Non dago ezkerra? Ez da galdera txarra. Nire ustez, despistatu xamar (galduta ez esatearren). Zure ustez, non beharko luke?
Vox-ek deialdia egingo balu, ez.
Hainbat ideologia biltzen duen plataforma batek (non barruan Vox egon daitekeen) deialdia egingo balu, seguruenik bai.
Epidemia honek, “nireak” ziren horiek orain zein urrun ditudan erakutsi dit. Partido politikoek ez nautela, inondik Inora, ordezkatzen, hori ere ikasi dut.
Hortaz, zuk ‘Abascal txuletoirik’ ez duzu jan nahi, baina entsaladan letxuga artean pixka bat diximulaturik badator, ba aurrera. Ba on egin!
Txantxak alde batera, urtarrilaren 23an dugu gehiengo sindikalarekin osasun sistema publikoa defendatzeko aukera aparta. Hor ikusi nahi zaitut, Tximino!
Voxeko agintaria Athleticekoa da,San Mamesera animatzera badoa zu Athleticekoa izanda joango zinateke eta berarekin batera animatu?
Ba jakina! Hori kirol ikuskizun bat besterik ez da. Ezin ditugu gauzak absurdura eraman. Orduan zer, niri oilaskoa jatea gustatzen bazait eta enteratzen banaiz Abascali ere asko gustatzen zaiola oilaskoa, zer egingo dut, oilaskoa jateari utzi? Abascal athleticekoa bada eta ni ere bai, San Mamesera joateari utziko diot bera han dagoelako? Mesedez …
Jonas, mutil zentzudunak tranpetan harrapau zau!!
Ba hori,bata kirol ikuskizuna eta bestea Osasun egoera ,politikatik ez batak ez besteak ez dauka zerikusirik.Voxi pasaportea egon ala ez bost axola,dudarik ez dut,beraiek betik egin edo esango dute beste partiduek diotenaren kontrakoa,besteek bazioten covid pasaportea ez ,dudarik ez izan beraiek pasaporteari bai esango ziotela.Beraien intentzio bakarra”pescar en rio revuelto”.Covid pasaportearen aldekoek emandako argumentuek zureak barne zentzua izan dezakete bai,baina mesedez,Vox en argudioa sartzea pikatzeko Edo ez dakit zer intentziorekin,pixkat tamalgarria da…
Beste erantzun pare baten esan dut ez naizela negazionista. Gainera uste dut eta manifestazioan egondako gehienak ere ez direla. Hala ere ikusten dut jendeak interes berezia duela Covid pasaportearen kontra gaudenoi horrela markatzeko. Burura etortzen zaizkit maketo, moro, feminazi edo pantxito bezalako mezpresuzko markak. Atsegin dituzue? Nik ez ditut batere atsegin markak. Norbaiti gustatuko litzaioke totalitarista, absolutista (egi absolutuzale) edo fatxa bezalako hitzekin deitzea Sagardui eta konpainiaren jarraitzaile fina izateagatik? Nik ez dut egiten eta ez dut egingo.
Hara, Luis Miguel, ezagutzen ditudan anti-vax gehienak negazionistak dira. Negazionistak, ez Covida bera existitzen denik ukatzen dutelako, baizik eta gripe batera edo asko jota gripe ‘fuertetxo’ batera murrizten dutelako.
Gero badira txertorik hartzen ez duten pertsona batzuk niretzat errespetagarriak direnak: txertoari beldur irrazionala diotenak, fobia diotenak, hipokondriakoak direnak. Halakoek ez dute txertoaren balioa eta efikazia zalantzan jartzen, baina aitortzen dute beldurra ematen diela txertoak, hainbeste beldur ze gurago dute ez hartzea, hartzea hobe dela jakin arren. Hegazkinari fobia diotenak bezala.
Eta badago beste talde bat niri sekulako amorrua ematen didana: txertoari beldur ikaragarria izan baina hori aitortzeko gai ez direnak. Beldur irrazional hori aitortzea jendaurrean ahul eta kakati agertzea dela uste dute nonbait, eta hori saihesteko, negazionisten eta konspirazionisten teoria txoroak besarkatzen dituzte modu lotsagarrian. Halako batzuk ezagutu ditut eta benetan lotsagarria da euren jokaera. Lotsagarria.
PASAPORTERIK EZ!
Ok, ados, baina izan zaitez solidarioa, izan zaitez arduratsua, zaindu zeure burua eta zeure ingurukoena eta hartu txertoa, faborez!
Jonas-ek markak atsegin ditu, horretan ez dago dudarik!!, negazionista, antivacunas…, falta jatzu bebelejias, Miguel Bose… agian aipatu dizkizudan beste batzuk ere gustatzen gustatzen zaizkizu? markak jartzen ohituta daudenen artean oso ohizkoa da. Nik ez dizut markarik jarriko, nahiz eta zure iruzkinak irakurrita… baten bat burura etorri. Ni ez naiz horrelakoa eta harro nago
Manifestazio bat egin genuen, Covid pasearen aurka eta ez gara negazionistak eta antivacunas. Agian pasearen alde zaudela onartzea kostatzen zaizu? Nik badut pasea, baina pase nazi hau ezin da onartu eta arrazoiak irakurri zen komunikatuan esan ziren euskaraz eta erdaraz. Entzun zenituen?. Komunikatuan ere argi esaten zen zer nahi dugun eta ez garela, ez negazionistak, ez feminaziak, ez maketoak, ez moroak, ez pantxitoak.
Ni ez naiz bizitza plataformako zalea, eta manifak ez zuen plataforma horrek antolatu. Antolatu izan balu Covid pasearen kontra bakarrik joango nintzen. Bizitzakide izenarekin ez dela asmatu? ba nire ustez ez, hor zurekin nago, baina horregatik ezin da manifestazioa gutxietsi eta bere helburua maltzurki manipulatu.
Zorionak antolatzaileei!!!
Hara, Luis Miguel, nik negazionista terminoa darabildanean ez nabil inor gutxietsi guran. ‘Negazionista’ esaten dudanean, ez nabil inor menosten. Termino hori baliagarri zait jende talde bat izendatzeko; kasu honetan, covidaren existentzia bera ukatzen dutenak edo gripe batera murrizten dutenak. Punto. Berdin anti-vax. Deitu niri pro-vax, no problem.
Markekin eta etiketekin egiten dituzun kanpaijotze mentalak zureak dira, zureak baino ez, ez sartu ni hor barruan.
Marken kontua alde batera, flipagarriena zera iruditu zait, zuk hau esatea: “Nik badut pasea, baina pase nazi hau ezin da onartu”. JAAAAAAAA!!! Bai koherentzia handia zurea, Luis Miguel, pasearen kontrako manifara joan, pasea nazia dela esan, baina aurrez, xorro-xorro, pasea aterata edukitzea, badaezpada ere! Berriro diotsut: JAAAAAAA!!! Orain, bizitzaren ironiak zer diren, eta “agian pasearen alde zaudela onartzea kostatzen zaizu?” horrekin interpelatu nauzunez, zera esango dizut nik: hiru txertoak hartuak dauzkat, eta gaixotasuna gaindituta; hala ere, kontzienteki, ez dut covid paserik atera eta ez daukat asmorik ere, pase horren kontra nago eta. JAAAAAAAAA!!!
Pozten naiz nire alde berdinean zaudela jakitea. Ez, ez ez , pase nazi honi ez!!! Gora Jonas!!!
Bai, bai, baina egunen batean zinera joan behar badugu nik pasearen kontrako esplikazioak eman beharko ditut eta seguruenik ez didate sartzen utziko; zuk, berriz, “pase nazia” atera eta xorro-xorro barrura, e, Luixmi? Hi bai espabilaue!
Jonas, ez dakit telebistarik ikusiko duzun ala ez, baina argi dago bai denbora pila sobran duzula. Pozten naiz zugatik.
Niri jakintsu deitu, baina hara non gero zuk manifan egon zirenen (eta egon ez zirenen) analisi sasi-soziologiko guztiz ahalduna egiten duzun. Zu zeu jausten zara zure kontraesanetan.
Manifan egon ginenak ultraeskuinarekin lotu gura hori ere ez dut ulertzen, agian zure nahia izango da, ez dakit, baina ez da egia eta badakizu. Bide batez, pasaportearen kontrako ezkerrak egindako manifa deialdi batera joan nahi baduzu U28an Bilbon duzu aukera, Gazte Koordinadora Sozialistak deituta jakina, Ezker abertzale ofiziala, zuk oso ondo esan duzun bezala… despistatuta dagoelako. Hor fijo ez duzula Voxekorik.
Bitartean pentsatu nahi duzuna, oso ondo, baina mesedez ez egin sistema ustel honen morroi lanik ez polizia lanik. Utzi jendea presionatzeari eta seinalatzeari, hori baita sistemak nahi duena, batzuk besteak kontolatzea, guk geuk madero lanak egitea, eta honek, nola ez, gure arteko zatiketa dakar. Hari hau da adibide. Horrela gure gurasoek, amandreek, aitajaunek,… kostata eta burrukatuta lortutako eskubideak murrizten, zapaltzen ari dira, “interés orokorraren” izenean.
Orain ez txertatuak eta gaueko aisialdia dira, lehenago gazteak eta boteiloiak,… hurrenguak?
Hurrengo pandemia adibidez HIESaren estilokoa bada homosexualak seinalatuko ditugu? Edo inposatu nahi den Tapia legearekin ados zaude? Ba kontzeptu berdina da.
Txertoa ez da derrigorrezkoa, kitto! Eta derrigorrezkoa ez bada, hain ona izanda, zeozergatik izango da, ez duzu uste? Ez dizu zer pentsa ematen? Bitartean bakunatu dadila gure duenak, eta bestiok pakean utzi. Covid pasaporterik ez, kontrol sozialik ez.
Aizu, Kalakan, ez nabil esaten ba, ni pasearen KONTRA nagoela eta, are gehiago, kontzienteki ez dudala paserik atera ere egin??? (irakurri, mesedez, Luis Migueli idatzi diodan azken erantzuna). Zerk amorratzen zaitu, Kalakan, nik denbora sobran izateak? Zertara datoz ad hominem interpelazio horiek? Ez da izango zure uste sendoak kolokan jartzen ditudala eta horrek amorrua ematen dizula?
Gero dago ulermen arazoa… edo nik dakita zer! Jakin dezazun: nik ez dut egin manifan egon zirenen analisi sasi-soziologikorik. Non amestu duzu hori? Non egin dut nik “sistemaren morroi lana edo polizia lana”? Baina zer flipada da hori? Bo, bo, bo… Umorez hartu beharko dugu…
Esaten duzunean “gure gurasoek, amandreek, aitajaunek borrokatutakoa…”, jakizu ni zure guraso horien artean nagoela, HIESarena gertutik bizi izan nuela eta lagun batzuk galdu ere galdu nituela pandemia hartan, beraz, neurtu apur bat zure hitzak, ok? Jakingo bazenu nola amesten zuten Hiesa zeukaten gaixoek txerto eraginkor batekin! Jakingo bazenu nolako botika-koktelak hartzen zituzten (zaldi bat hankaz gora botatzeko modukoak), zientzian esperantza guztia jarrita! Aurrekoan gay zahar batekin egon nintzen berbetan eta hark esan zidan garbi: “Ze gutxi akordatu den jendea pandemia hura lehen lerroan pasatu genuenokin. Guretzat txertoa, botikak, dena zen balekoa… Orain, txertoen kontra dagoen jende hori guztia ikusi eta esaten dut: Pijoak! Señoritoak! Ja, ja…”, eta barre egiten zuen.
GKSrena banekien, Kalakan, ez pentsa hain despistaturik nabilenik. Dena den, eta ez dakit joango naizen, hari honetan askotan esan dudanagatik: pasaportearen kontra dabiltzan horietako gehienak elkartasuna eta enpatia eskatzen digute, baina eurek ez dute ez enpatiarik ez elkartasunik erakutsi gure zaharrekin, ahulekin eta zaurgarriekin. Nitasuna jarri dute Gutasunaren aurretik. Behar den moduko komunistek, zer esanik ez, gutasuna (komuna, komunitatea, kolektiboa) jartzen dute beti aurretik. Beti.
Hori bai, oso-oso beharrezkoak ikusten ditut urtarrilaren 23an gehiengo sindikalak deitutako manifestazioak. Hor bai, Kalakan, hor ikusi nahi zaitut!
Ni bietara joango naiz Jonas, ni baino koherenteagoa bazara bejondeizula, ni pozten naiz, zugatik eta nigatik!. Ni oro har bakunen aldekoa naiz, baina ez farmazeutiken jai honen zalea. Eta argi dago osasungintza hobetzean dagoela gakoa. Hor dau lainue Jonas, eta ez judutarrei errua botatzean, baina Covid paseari ezetz garbia esan behar zaio!!
Ados, paseari ez, baina txertatu bakoei argi utzita hemen jarrera egoistak sobran daudela; hau da, txertatu!
Txertatu zaitez, edo covid pasea aplikatuko dizut? Nik uste tranpetan zabitzela ostera be, ai ene, mito koherenteak gutxi iraun dau!!!
Jonás, zure hitzak bakarrik kontraesanetan erori dira.
Pasaporterik Ez!
Txe, txe, txe… Orain ez minduarena egin nirekin. “Emoten dakixenak jasoten be jakin bihe dau, eta zuk hemen makina bat bota dittuzu.
Era guztietako adjetiboak erabili dituzu… Ayusozaleak, ultraeskuindarrak, indibidualistak behin eta berriz,… Badakizu!? Hain komunista bazara, gure gobernuek sobran erositako miloika eta miloika dosiak benetan beharra dagoen tokian banatzeko exijitu. Hori delako benetako indibidualismoa; akaparazioa.
Eta bai seinalatzen aritu zara, gu edo adibidez manifako irudietan ikusitako lagun edo ezagunak, bai gero “negazionistak’ eta abar deitzen aritu zaren horiek adibidez.
Eta bai sasi analisi soziologikoetan aritu zara, irakurri esaldi honekin hasten den zure mezua “Hara, Luis Miguel, ezagutzen ditudan anti-vax gehienak negazionistak dira…. ” Oroitu ez?
Hori bai, arrazola daukazu, buka bukaeran pasaportearen kontra zaudela adierazi duzu. Momentuan erantzun bat idazten negoen, ez dut eguneratu sakelekoa eta ez naiz konturatu. Adina izango da! Ze badakizu? Ez daukatzu adinaren esklusiba.Esaten duzunagatik zure adin ingurukoa izango naiz, eta ziurrenik zure moduan bizitzan makinatxo bat os… jasotakoa.
Lagun gaixo eta hildakoen esklusiba ere ez daukazu. Eta neriak ez daude guztiak bakunatuta, ziurrenik zure guztiak ere ez. Ados nago ordea zure lagunak esaten duenarekin, orduan HIESa hartzen zuena hiltzera kondenatuta zegoelako, harrapatzen zutenen%100 hiltzen zen, gogoratzen?. Baina ez nahastu gauzak, Covidaren hilkortasun tasa zein da? %1a? Zer ikusirik ez bata bestearekin.
Datu horiekin bakunatu dadila nahi duena, oso ondo, benetan, baina ni ez, nire bakunak ere ez zaituelako babestuko, bakunatuta ere kutxakorra izango naizelako. Horrek ez du esan gure beste babes neurriak ez ditudala beteko, ojo!
Zer esango dizut, Kalakan…. Ez dakit nondik hasi ere. Bueno bai, badakit, bi hitzetan laburtuko dizut: ondo segi!
Nik ere maite zaitut!
Jonás, zure hitzak bakarrik kontraesanetan erori dira.
Kakakanek irabazi
Pasaporterik Ez!
Guztiz bat nator Jonasen argudio guztiekin. Ez diot kontraesanik ikusten, aitzitik, koherentzia eta argudio sendoak. Gainera, esango nuke gehiengoaren sentipenera gerturatzen dela.
Ni ere bat nator Jonasen argudioekin, %100ean…ta bai, nere sentipenak ere berdiñak dira.
Orain, galdera bat etortzen zait burura. Manifestazioaren bukaeran irakurritako testuan, aipatu zen, dekretuaren gainetik dauden oinarrizko legeak, nazioarteko itunak eta abar.
Zeri buruz ari zarete konstituzioari buruz? Soilik euskaldun izateagatik gure eskubideak zapaldu eta zapuzteko jaiotako konstituzioari buruz? Horri deritzozue, hamarkadaz hamarkada borroka eta lan neketsuaren bidez gizarteak eskuratu dituen lorpenak?
Ez dakit ze pentsa!
Urtarrilaren 23an ikusiko dugu elkar! Desmantelatzen ari diren gure osasun sistema publikoaren aldeko aldarrian…
COVID paseari EZ! Pertsona zaurgarrien egoeraren edota Osakidetzaren baliabide faltaren eta langileen egoeraren aurrean beraien zilborrari begira geratzen direnei ere EZ! Aurpegi ezagun asko ikusi nituen astearteko manifan, horietako bakarren bat besterik ez duela egun batzuk ospitalean egin zen elkarretaratzean, eta oso oso tristea iruditzen zait. Ziur hemen idazten ari zaretenotako batzuk horrela jokatu zenutela, eta egia esan, ez zaituztet egoera honen hurrengo mobilizazioan espero. Guztion eskubideen defentsa hori bada, Rivera eta Ayuso oso pozik egongo dira, beraien eredua hedatzen ari baita. Eta bai, beraien burua ezkertiartzat, aurrerakoitzat,… dauzkaten batzuk despistatu xamar dabiltza, beraien askatasuna, beraien zilborrean hasi eta amaitzen dela edo beraien lagunen “lehen munduko arazoetan” dagoela pentsatuz. Arrasate benetan polita geratzen ari zaigu. Apartheidari STOP, baina batez ere, norberekoikeriari eta liberalismoari STOP.
Edurnezuri ipuinean gauza sinbolizatua ispilu magikoa izango litzateke eta ipuinaren sinboloa nartzisismoa, hau da, nork bere burua miresteari eta etengabe arreta norberarengan erakartzen saiatzeari esaten zaio. Sarritan, besteak baino boteretsuagoak, independenteagoak edo maitagarriagoak direla baieztatzen saiatzen dira behin eta berriro ispiluaren aurrean, edota solidarioagoak, edota borroka eredugarrienak, norbebaren beharrarekin eta garaiarekin bat datoz ispilu magikoari egiten zaizkion galderak. Nartzisizmoa eta autoritarismoa primak dira, batzutan urritoak eta sarritan gertukoak baina beti familia berekoak. Horrela, ispilu magikoaren hitzekin liluratuta bere buruari aitortzen dio “ni naiz borrokalari politena” eta zu zara hau eta hau, eta hau, eta zuk egin behar duzu hau eta beste hau, eta nik badakit zu nora edota non egongo zaren eta gainera despistatu xamar zabiltzanez jarri zaitez nire itzalean.
Eta horrela behin ispiluaren aurrean:
– Ispilutxo ispilutxo nor da norberekoiena? – galdetu zion-.
– Zu zeu – erantzun zion ispilutxoak-.
Orduan ispilua hautsi zuen eta errua besteari bota zion, baina beste horrek, tilatxo bat eskaini zion, ez bere itzalpean baizik eguzkitan.
Oharra: ispilu magikorik ez da existitzen, baina bai berriz norberaren barrurako bidaia.
Eki
“Txertotik garbi egoteko aukera”
BITOR ABARZUZA FONTELLAS 2022ko urtarrilaren 05ean Argia aldizkarian argitaratua:
Beheko sinatzaileok ondoko gogoetak helarazi nahi dizkiegu bai agintari publikoei bai herriari. Hartutako zenbait neurri egokitzat eta bidezkotzat jotzen baditugu ere, uste dugu gaur egungo neurria, “COVID agiria” deitutakoa, gehiegizkoa, justifika ezina eta gure oinarrizko eskubideen kontrako urraketa dela. Osasun arloko hainbat legek arautzen duten bezala, pertsonok badugu erabakitzeko eskubidea gure gorputzari dagokionez, behar bezala informaturik egon ondoren, aukera eta tratamenduen artean hautatzekoa.
Egungo neurriak gizartea bi bloketan sailkatu du, txertatuak eta txertatu gabekoak, horietako multzo bati enpresa pribatuen eta erakunde publikoen zerbitzuetara sartzea galaraziz, ustez, gainerakoak babeste eta kutsatzea ekiditearengatik; jakin badakite ere txertoa bera dela kutsatzetik babesten ez duena eta berez immunizatzen ez duena. Giza sailkapen honek ondorio sozial eta mediatikoak abiarazi ditu osasunaz haratago doazenak, gobernuak sustatutako tratamendu farmazeutikoa libreki jaso nahi ez duten pertsonak baztertzera eraman nahi dituztelako edota gizartearen isolamendua ezartzeko deia zabaldu dutelako, bi multzo horiek kutsatzen ez duten eta kutsatzen dutenekin identifikatuz. Puntu horretan, neurri baztertzaile eta debekatzaile hori absurdoraino ailegatzen da, soinketa egiteko kirol-gune publikoetara sartzeko debekua ezarri dietelako, hain justu, txertotik garbi egoteko aukera hautatu duten pertsona horiei, neurri profilaktiko gisa bizitza garbia eta osasuntsua egunerokoan eraman nahi eta ezin izanen dutelarik. Hori dela eta geure buruari galdetzen diogu ea aipatu neurria zigortzeko era bat ez ote den, gobernuak egindako tratamendu mota baten aldeko apustuari ez atxikitzeagatik.
“Agintari publikoei zuzentzen gatzaizkio, hartutako neurriak eragin dituzten ondorioen jakitun izango diren esperantzaz, sortutako domino efektuaz”
Txertatzeko aukerari dagokionez gure ustea adierazi nahi dugu, zilegizkotzat, jakina, jotzen dugularik eta geuk aldarrikatzen dugun pazientearen autonomiari berari dagokiolarik, jende guztiaren intereseko eskubide osoa dena. Guk, aldiz, ez diogu inori galarazten inongo tokitara sartzea edota bere oinarrizko eskubideak erabiltzea tratamendu bat edo beste hautatzeagatik. Neurriak atzera eramaten gaitu historiaren une eta gune jakinetara, horietatik gizadiak zerbait ikasia zuela uste genuen. Ez gara akuriak edota esperimentazio animaliak, gizaki helduak gara, adimena, erabakimena eta eskubideak ditugunak. Egun urratzen ari diren eskubideak.
Agintari publikoei zuzentzen gatzaizkio, hartutako neurriak eragin dituzten ondorioen jakitun izango diren esperantzaz, sortutako domino efektuaz. Zenbait komunikabidetan lintxamendua izatera ailegatzen dena, bai eta gure kontrako gaitzeste nabarmena, zenbaitetan gorroto-delitua izatera hurbiltzen dena. Lehen zegoen gizarte barneko giro asaldatua areagotzea ekarri dute, familia edo adiskide artekoa, lan eremuan edota gizarte erakundeetan.
Horiek horrela, sortutako egoeraren gainean gogoeta egiteko eskatzen dugu, sosegaturik eta hauteskunde aurreko kalkuluetatik at, uste baitugu neurri horrek ondorio soziofobiko okerragoetara eramaten ahal gaituztela. Galdetzen diogu geure buruari ea neurriak ez ote duen zerikusirik egun dagoen ideien eskasiarekin, izurriteari aurre egin beharko lioketenak; zeren, azkenik, ematen du COVID pasea presio modu bat baino ez dela, jende guztiak atxikimendua ager dezan gobernuak hautatutako tratamenduaren alde, debekuak eta murrizketak inposatuz.
*Testu hau Bitor Abarzuzaz gain beste 58 pertsonak sinatu dute
Analisi ezinhobea. Baina beste kezko kortina bat heldu nahi ez diozuen gaiarekin berdin jarraitzeko: norberekoikeria. Aipatzen duzun norberaren bidaia horretan norbera besterik ez ikustea, eta horrekin nekez konponduko ditugu dauzkagun arazoak. Zorte on.
Baina, zergatik babestu dituzte ezkerreko ia alderdi eta sindikatu guztiek gobernuek Covid kudeatzeko proposatutako ia neurri guztiak? Nola nagusitu da osasunaren eta ekonomiaren arteko harremanaren hain ikuspegi sinplista, gizarte-zientzietako ikerketen hamarkadak karikaturizatzen dituen eta aberastasuna eta osasuna lotuta daudela modu ikaragarrian baieztatzen duen ikuspegia? Ezkerrak zergatik ez du alde batera utzi desberdintasunaren gehikuntza masiboa, behartsuenen, herrialde pobreen, emakumeen eta haurren aurkako erasoa, edo zaharrei ematen zaien tratu krudela eta osasun-politika horien ondorioz gizabanako eta enpresa aberatsenen aberastasunaren gorakada?
Nola leike, txertaketaren garapenari eta hedapenari dagokionez, ezkerrak azkenean barregarri utzi du ideia bera, hau da, «Ondasun publikoarenak» ez diren beste motibazio batzuk egon daitezkeela, BioNTechek, Modernak eta Pfizerrek gaur egun segundoko 1.000 dolar baino gehiago irabazten ari direnean txertoekin?
Erantzun posible batzuk Toby Greenek y Thomas Fazik egindako hausnarketa honetan:
https://diario16.com/reflexion-sobre-el-naufragio-de-la-izquierda-politica-frente-al-covid/?
https://unherd.com/2021/11/the-lefts-covid-failure/