Gaur, osteguna, Arima Soul taldea izango da Arrasateko Gaztetxean 22:00etan, Kooltur Ostegunak ekimenaren baitan.
Testua: Kooltur Ostegunak.
Mikel ‘Makala’-k sortzen dituen proiektuek beti daukate soinu beltzei begirada interesgarria, kalitatea eta dantzarazteko gaitasuna. Hala da oraingoan ere: 2022an Lidia Insaustirekin (ahotsa) batera erditutako talde berri honekin 60ko eta 70ko hamarkadako soinuetan arakatzen dute eta eskola zaharreko doinuez gain, garaikidea ere baden soul, rhythm&blues, funk eta jazz-groove-a lantzen dute.
Ibilbide motzean sariak ere jaso dituzte, eta errepidera topera irten dira orain disko luzea aurkezteko eta gu dantzarazteko asmoz.
