Testua eta argazkiak: Dorletako Ama TXE. Igande honetan Irunen ospatutako Gipuzkoako nesken txirrindulari lasterketan emaitza bikainak lortu dituzte Dorletako Ama txirrindulari eskolako txirrindulariek. Eguraldiak lagundu ez zuen arren, euripean bikain aritu ziren txirrindulariak. Benjamin mailan Maddi Agirretxek parte hartu zuen eta bikain aritu zen, etorkizun oparoa duela erakutsiz. Alebin mailan Ainhoa Plazak eta Nile Agirretxek parte hartu zuten, lasterketa buruan ihesi ibili ondoren, Ainhoa Plazak eskuratu zuen lehen postua eta Nile Agirretxe hirugarren sailkatu zen. Azkenik, infantil mailan...

49 urteko arrasatearrak Debagoieneko Asanblearen eta bere alderdiaren babesa izan ditu. Aurkezpenean azpimarratu du beharrezkoa dela "pertsonei begietara begiratuko dien Udal-gobernu bat, gertukoa, komuna eta guztiona zainduz". Arrasateko eta Debagoieneko Ezker Anitza IUk gaur arratsaldean bere alkategaia aurkeztu du bertako egoitzan. Juankar Dávila arrasatearra da, 49 urte ditu, bi seme-alaba eta Ostalaritzako langilea da. Hortaz gain, saskibaloia gustuko du eta Errealeko zalea da. Aurkezpenean azpimarratu du "gaur konpromiso bat hartzen dudala nire alderdiarekin, Ezker Anitza - Izquierda...

Argazkiak: Ernai Debagoiena. Debagoieneko ehunka gazte bildu ginen larunbatean Oñatin. Dena aldatzen ari garela azpimarratu izan dugu azken asteetan, asteburuan ere argi geratu da horretan jarraitzeko gaztetasuna, indarra eta ilusioa soberan ditugula eskualdeko gazteok. Hamarkadetako borrokaren biziraupenaren froga da Ernai. Milaka gazterentzat eskola, askapen mugimenduan lehen pausuak emateko abiapuntua. Ernai da, txanda bat gaztetxean, lehen udaberriko ekimena, dantza, barreak eta lana. Konpromisoa, utopia, herria eta lagunak. Borobilean eseri, koadernoa zabaldu eta mundu berri baten koordenadak idaztean...

Argazkia: MB artxiboa. Duela astebete, Txorbela Otxoteak gogo biziz parte hartu zuen Arrasate Musikalek Udal Pilotalekuan bere sorreraren 50.urteurrena ospatzeko antolatu zuen kontzertuan. Gozamen hutsa izan zen agertokian, musika eta ilusioa, hainbeste ikasle eta ikasle ohiekin partekatu izana; izan ere, gaur egun Arrasaten egin daitekeen musika ez litzateke posible izango kontzertuan parte hartu genuen gehienok "Akademiako" ikasgeletatik,aurretik, igaro izan ez bagina (haiek bai garai gogoangarriak …) Gure kasuan, Xabier Barriola zuzendaria bera, Arturo Goikoetxea piano-jotzailea eta abeslari...

Beheko testua eta argazkiak: Zahar-berri. Ostiralean Iturrieta sagardotegian egon ginen Debagoieneko mintzalagunak eta Arrasateko euskaltegiko ikasleak. Trikitixa eta-guzti eraman genuen, eta ederki jan genuen. Txuleta mundiala eta giroa ezin hobea! Txotx!

Argazkia: Lokatza Ziklismo Eskola. Larunbatean Zarautzen izan zuten lehiaketa Bolintxo - Lana taldeko kadeteko mutilek 44 kilometroko ibilbidean. Zarautzetik Zumaiara kostako bidetik joanda, bukaeran, Meaga gaina zuten eguneko puntu bero bezala. Lokatzako kideek, tropeleko lehen postuetan burutzea lortu zuten lasterketa osoa. Meagako lehen maldetara gerturatzen zeudela, talde osoa elkarrekin lehen postuak defendatzen zihoala, eroriko haundi batek, 6 txirrindularitik 5 harrapatu zituen, garaipena lehiatzeko aukera guztiak galduz. Hala ere, helmugaratzea lortu zuten, urratu eta erredura txikiekin. Zorte...

Izan ere, Zerrajerako 51 etxebizitza berri alokatu ahalko dira. Horretarako, Etxebizitza Sailak esleitzeko prozedura hasi du. Bestalde, salmentarako babes ofizialeko 63 etxebizitzaren izen-ematea aurrerago irekiko du. Argazkia: MB artxiboa. Zerrajerako etxe berriak egiten bukatzen ari da Visesa, eta gaur (martxoak 20) Etxebizitza Sailak argitara eman du bertako 51 etxebizitzaren esleipena hasteko agindua. Alokabide sozietate publikoak kudeatuko dituen 51 etxebizitza horietatik "33k bi logela dituzte (hiru etxebizitza mugikortasun urriko pertsonentzat egokituta daude) eta 18k hiru logela". Jaurlaritzako Etxebizitza Sailak...

Demokraziaren aurkako estatu-kolpearen ondorioz, 1936an gerra piztu zen, eta Arrasateko nahiz Gipuzkoako milaka ume erbesteratu behar izan zituzten. Argazkiak: Intxorta 1937. Deserria sufritu zuten pertsona hauei guztiei omenaldia egin zitzaien zapatuan Donostiako Kursaalen. Bertan parte hartu zuten, besteak beste, Intxorta 1937 elkartea, ikerlan taldea barne, eta Gipuzkoako Foru Aldundia. Omenaldira bertaratu ahal izan ziren 117 gerrako umeri lamina bana oparitu zitzaien, hain zuzen, Iñigo Arregi eskultore arrasatearrak eginikoak, eta ekitaldi hunkigarria izan zen. Oraindik bizirik dirauten 80 gerrako umeek...

Irudia: JMVM. Gidariak enpresaren telefonoa markatu du eta denok entzun ahal izan dugun elkarrizketaren lekukoak izan gara. Egundoko haserre lehergarriak harrapatuta, soldata ordaintzen dion konpainia popatik hartzera bidali du gidariak. Irakurtzen jarraitzeko

Gaur arratsaldean jokatu da Iturripen Mondragon Unibertsitatearen eta Afilados Gasteiz Arabaren arteko emakumezkoen Lehen Mailako saskibaloi partidua. Lehen minututik Arrasateko taldea nagusi izan da defentsan zein erasoan. Mondragon Unibertsitateak egindako joko onari esker, Gasteizko taldeak 4 puntu besterik ez ditu lortu lehen laurdenean, eta arrasatear taldeak, berriz, 32. Hirugarren laurdenaren hasieran erreakzio txiki bat ikusi da Afilados Gasteiz Arabaren aldetik, baina ez du arriskuan jarri Arrasateko taldearen garaipena. Partidua Mondragon Unibertsitatearen aldeko 85-55eko emaitzarekin amaitu...