Vaiven konpainiak igandean igoko da Amaia Udal Antzokiko eszenatokira, arratsaldeko 19: 30ean, ‘Familia Sarekada, inorekin ez fidatzeko komedia bat’ antzezlanarekin. Interneteko pribatutasunaren jazarpenaren eta eraistearen garaiko komedia basatia da. Bere etxean lasai afaltzen duen familia bat, Delitu Informatikoen Unitatearen (UDI) sarekada bat jasaten du, familiako kideren batek etxeko porno sare bat erabiltzen duela susmatzen delako. Hasiera batean, egozten zaizkien delituen errudunak dirudite guztiek, baina ikusleak pixkanaka ikusiko du akusazioen oinarri diren artxiboak ez direla diruditenak.
Vaivenek 25 urteko ibilbidean 40 antzerki ikuskizun eta musika proiektu ugari jarri ditu martxan. Egindako lan onagatik hainbat sari jaso dituzte, hala nola: Donostia Saria 2002 eta 2018, Arte Eszenikoen Max Saria 2006, Ercilla Saria 2006, Haroko Garnacha Sariak 2006 eta 2014, Ikusleen Saria Parisko Don Quijote Jaialdia 2018 eta ikuskizun eta egile onenaren Teatro de Rojas sariak, besteak beste. Batez ere publikoaren babesa izan dute.
