“Ur-hornidurako sare nagusiaren konponketak 288.000 euroko kostua izan du”

1
578

Kontu-sailik garrantzitsuenak honako hauek dira: matxuraren kokapen zehatza, ehorzketa, hodi aldaketa, kutxeta eta eremua hasierako egoerara itzultzea (68.000 euro) eta ur-ihesa konpontzea eta by-pass berria eraikitzea (101.000 euro).

Argazkia: MB artxiboa.

Victoriano Fuentes Obra eta Zerbitzuetako zinegotziak gaur goizean eman duen prentsaurrekoan jakinarazi duenez, “Arrasateko Udalak 288.000 euro inbertitu ditu hornidura-sare nagusia konpontzeko eta konponketa egin bitartean ur-hornidura mantentzeko eraiki zen by-passa eraikitzeko.”

Gogoratu behar da irailaren 26an Udalak ur-isuri bat antzeman zela Zalduspe inguruan, hodi orokorrean. Ihesak 40 l/s-ko auga galtzea eragin zuen. Konpondu ahal izateko, herritar guztientzako ur-hornidura bermatuz, Udalak by-pass bat eraiki zuen hornidura-sare paralelo eran. By-passa 14 egunetan egin zen, eta beste 7 egun behar izan ziren obra egin zuen enpresa aurkitzeko. By-passak 750 metroko luzera eta 315 milimetroko diametroa ditu. Ura eramateko sistemaren behin betiko konponketa-lanak 2022ko azaroaren hasieran amaitu ziren.

“Hauek dira egindako jarduketak eta horien kostua:

  • Ur-ihesaren kokapena eta lehen diagnostikoa + obra zibila by-pass: 15.867,94 €. Enpresa arduraduna: Excavaciones Arrasate S.L.
  • Iturgintzako materialaren hornidura: 27.439,51 €. Enpresa arduraduna: Fundibide, S.A.
  • Ur-ihesa konpontzea, by-pass berria eta by-pass behin betiko lagapena: 100.796,18 €. Enpresa arduraduna: Obras Hidraúlicas Ortega.
  • Matxuraren kokapen zehatza, ehorzketa, hoditeria aldaketa, kutxeta eta eremua hasierako egoerara itzultzea 67.393,62 €. Enpresa arduraduna: Construcciones Moyua, S.L.
  • By-passa lurperatze-obrak 14446,27 €. Enpresa arduraduna: Construcciones y excavaciones Pera.
  • By-passa lurperatzeko materiala 797,15 €. Enpresa arduraduna: Aldeko Material eta Eraikuntza Zerbitzuak.
  • Zementu-egituraren kalkuluak 605 €. Enpresa arduraduna: Salaberri Ingeniería.
  • Matxura, bideo-formatuaren berrikuspena: 344,85 €. Enpresa arduraduna: Ansareo Servicios Integrales.
  • Obraren koordinazioa eta segurtasuna: 263,39 €. Enpresa arduraduna: BSP Consultoria.
  • Ur-sarearen analisia 223,83 €. Enpresa arduraduna: Itsas Natura, s.l.
  • Ur galera. Ur-horniduraren fakturazioaren estimazioa: 60.000 euro.”

Victoriano Fuentes Obra eta Zerbitzuetako zinegotziak nabarmendu duenez, “Udalaren premisa nagusia arrasatearrei ur-hornidura bermatzea izan da. Ezohiko egoera baten aurrean gaude. Udalak eskura dituen baliabide guztiak jarri ditu eragin sozial eta ekonomikoa ahalik eta txikiena izan dadin. Eskerrak eman nahi dizkiegu bizilagunei erakutsitako pazientzia eta ulermenagatik.”

Halaber, Fuentesek agerraldian jakinarazi duenez, “konponketa amaituta ere, by-passa mantenduko obra osagarri bat egiteko: kanalizazio nagusian ura kontrolatzeko giltza berri bat izateko. Horrek ura moztea saihestuko luke, hornidura by-pass-etik sare nagusira eramanez gero. Bizi izandako egoera ikusita, guztiz beharrezkoa da 2. hornidura-puntu bat izatea udalerrirako. Proiektua idazten ari gara. Etorkizunean arrasatearrek ur mozketa berriak jasatea saihestu nahi dugu.”

Fuentesek prentsaurrekoan eman dituen lehen datuen arabera, “Zalduspe eta Kulturola lotuko lituzkeen hodi bat da. Hala ere, kontuan hartuko da San Josepe biltegiarekin lotzeko aukera ere. Ibilbidea eta sor daitezkeen oztopoek ezagutu gabe, oraindik aurrekonturik ez dakigu zein izango den.” Hala ere, “2023ko aurrekontuetan 200.000 euroko partida bat bideratu da proiektu berri horri ekiteko.”

Iruzkin 1

ERANTZUN BAT UTZI

Zure iruzkina utzi, mesedez!
Sartu zure izena hemen