Udala: “San Juan jaietan ekintza sinboliko bakarra egingo da”

0
2139

Ekainaren 23an izango da, eta Herriko plazan egingo da, baina “plaza publikoarentzat itxita egongo da”, Udalak iragarri duenez. Ekitaldiak “jaietan parte hartzen duten eragile guztien elkarlana islatuko du”.

Beheko testua: Udala.

Koronabirusak hankaz gora jarri ditu ekitaldi publikoak eta bereziki herritar asko batzen dituzten jaiak eta ospakizunak, tartean Arrasateko San Juanak. Horrela, segurtasun eta higiene neurri guztiak kontutan hartuta eta jaiak normaltasunez ospatu ezingo direla ikusita San Juan jaietan ekintza sinboliko bakarra egitea adostu dute Udalak eta eragileek. Ekintza sinbolikoak urtero jaien antolaketa era kolaboratiboan parte hartzen duten eragile guztien elkarlana islatu nahi du eta horregatik eragileek parte hartuko dute sinbolikoki.

Ekitaldi bakarra ekainaren 23an izango da, gaueko 22:30ean hasita, Herriko plazan. Goiena telebistan emitituko da zuzenean herriko plazara gerturatzeko aukerarik izango ez delako – segurtasun eta higiene neurriek eraginda – , publikora itxita egongo bait dira sarbideak. Honakoa izango da ikuskizunaren eskaleta:

22:30 Ttakun Txalaparta taldearekin agurra
22:35 Sua piztea eragile guztien parte-hartzearekin
22:40 Lore Gazteak eta txikitxu-Arrostaitz taldeetako dantzariek San Juan Zortzikoa
dantzatuko dute
22:45 Bertsolariaren agurra
22:50 Arrrasateko Udalaxpe Txistulariak
22:55 Arrasateko Trikitilariak
23:00 Arrasateko Gaiteroak
23:05 Tanborrada doinua: Gora Arrasate – tanborradako kideen ordezkaritza plazan
23:10 San Juan Himnoa Goikobalu abesbatzak abestuaz herriko bandera eta ikurrina
jasotzean.
23:15 Ekintzaren amaiera

Egoera honetan herriko jaien aldeko ekitaldi bereizgarri hau egiteko “eragile guztien prestutasuna eskertu nahi da. Bide batez momentu zailak bizi izan dituzten arrasatear guztiei gertutasun mezua helarazi nahi zaie bereziki sentituak diren egun hauetan”.

ERANTZUN BAT UTZI

Zure iruzkina utzi, mesedez!
Sartu zure izena hemen