Dagoeneko hastera goaz Kooltur Ostegunen denboraldi berri bat. Hasteko bihar, osteguna, The Casanovas taldea izango da Arrasateko Gaztetxean 22:00etan.
Testua: Kooltur Ostegunak. Argazkia: The Casanovas.
The Casanovas Melbourneko (Australia) hirukotea da, 1999tik indarrean dagoena. Bere zainetan daramatza urruneko lur horietako rock-and-roll izerditsu eta soinu kiribildua; eta, jakina, talde aussi handiez gain, bere soinuan presente dago Powder Monkeys eta Sewergrooves-en arrastoa. Are gehiago, azken diskoetan hard-rock-eruntz ere egin du taldeak bidea. Pandemia erdian ‘Reptilian Overlord’ izeneko lan luzea kaleratu ostean, eta etenaldi luze honen ostean, Europan jendaurrean aurkezteko gogoz datoz.
