Ertzaintzak azaldu duenez, atzo gaueko 22:00ak aldera, pertsona batek Ertzaintzari abisatu zion Bergaran gizonezko batek tabernari bat jotzen ari zela.
Adierazitako lekura hurbildu ziren patruilek egiaztatu zuten “establezimenduko zerbitzariak hematomak zituela aurpegian eta odol-isuria begi batean, eta anbulantzia bat eskatu zuten, beraz, eta Arrasateko ospitalera eraman zuten”.
Lekukoei deklarazioa hartu ondoren, agenteek identifikatu egin zuten “sukaldean ezkutatuta zegoen” ustezko erasotzailea, eta atxilotu zuten. “Dirudienez, erasoa gertatu zen tabernaren arduradunak bezeroari esan zionean lokalean ezin zela erre”.
Arrastatua, 49 urteko gizonezkoa, polizia-egoitzara eraman zuten ustezko lesio-delitua leporatuta, eta datozen orduotan jarriko dute agintari judizialaren eskuetan.
