Bertan espaloietako eta galtzadetako zoladura ordezkatuko da, zoladura drainatzailedun guneak egingo dira, argiztatze berria jarriko da, eta ur edangarriaren hornikuntza sareko hargune-giltzak ordezkatuko, beste hainbat lanen artean.
Irudiak: Estudio K eta Udala.
Proiektuaren idazketa teknikoa Estudio K S. Coop-ek egin du, eta uztailaren 16ko Gobernu Batzarrak ontzat eman du.
Halaber, proiektu horretan oinarrituta, uztailaren 23ko Gobernu Batzarrak obrak egitea onartu du, helburu orokor honekin:
“San Juan multzoa berrurbanizatzeko proiektua izeneko dokumentuan jasotako obrak gauzatzea”. Dokumentu horretako lan nagusienak ondokoak dira:
- Espaloietako eta galtzadetako zoladura ordezkatzea, eta zoladura drainatzailedun guneak egitea
- Argiztatze berria egitea, bai kanalizazioetan bai luminarietan
- Oinezkoen irisgarritasuna eta lehentasuna, beste mugikortasun era batzuen aurrean. Elkarbizitzarako guneak. Ibilgailuen abiadura 20 km/ordura mugatua
- Zuhaitz eta zuhaixka berriak landatzea
- Euri-uren sare berri oso bat egitea, hodi biltzailearen bitartez
- Telekomunikazioen kanalizazioak ordezkatzea edo konpontzea, tarte puntualetan
- Espazio librea aurreikustea, etorkizunean urbanizazioan igogailuak instalatzeko
- Ur edangarriaren hornikuntza sareko hargune-giltzak ordezkatzea
Obra guztiak egiteko aurrekontua 1.772.720 eurokoa da (BEZ barne) eta obren iraupenak denera 9 hilabetekoa izan beharko du.
