Migel Primo de Rivera goian aipatuaren loba zen eta baita militarra ere. Alfonso XIII.ren erregetzan 1923ko irailaren 13-15etan estatu kolpea eman zuen eta “directorio militar” izeneko etapan sartzen da Espainiako politika, Primo de Riveraren 1930 bitarteko diktadurari hasiera emanez. Ondorioak berehala antzeman zituzten Aramaioko Udaletxean, beste hainbat eta hainbatetan bezala.
