Eguerdiko paella-janaren ostean, arratsaldean Potx pailazoak hartu du lekukoa Erguingo jaien egitarauan. Dozenaka haur eta heldu bildu dira ikuskizunaz gozatzera, eta barre algarak nagusitu dira plazan.
Festa ez da horretan geratuko: 18:30ean Ixoturekin irristaketa lasterketa egingo da, eta 19:00etan Dj Markel Goikoleak girotuko du auzoa. Gauari amaiera emateko, 21:00etan “Txotx gaua” izango da; sagardoa doan eskainiko dute eta auzotarrek afaria beraiek eramango dute, ‘zeuk ekarri, zeuk jan’.
