Udazabal programaren barruan, Zaldibarko frontoian arituko dira, bihar, ostirala, arratsaldeko 20:00etatik aurrera.
Argazkiak eta bideoak: Osa + Mugika, Lasala.
Bihar, uztailaren 17an, ostirala,
Zaldibarko frontoian, Osa + Mugika eta Lasala taldeek bi dantza
ikuskizun eskainiko dituzte Udazabal programaren barruan.
Osa + Mugika dantzaren eta eszenografiaren mundua lotzen dituen Jaiotz Osak eta
Xabier Mujikak osatzen duten taldea da.
Batasun honen helburua istorio bisual zirraragarriak kontatzea da, bere buruan
sortzen diren ideiak mugimenduarekin eta ikus-entzunezkoekin islatuz.
Zaldibarko ikusleek ‘Expectations will not kill you’ ikuskizunarekin gozatzeko
aukera izango dute.
Osa + Mugika taldekidearekin batera Lasala taldea ere arituko da. Dantza garaikideko konpainia Judith Argomanizek zuzentzen du, eta dantza eta argazkilaritza arloko artistek osatzen dute. Konpainiak hizkuntza fisikoa eta gaur egungo estetika sortzeko etengabeko ikerketa du ardatz, taldearen kezkak aintzat hartu eta islatu nahian. Bihar ‘Fight’ lana taularatuko dute Zaldibarko frontoian.
