Arrasateko osasun-zentroan, Osakidetzak zapatu honetan ekingo dio 9 eta 11 urte arteko haurrak txertatzeari.
Argazkia: MB Artxiboa.
Debagoieneko ESIk gaur jakitera eman du 9, 10 eta 11 urteko haurrak zapatu honetan (abenduak 18) txertatzen hasiko dela.
“Gure ESI-ra bideratutako txerto kopuruarekin, txertaketak larunbatero egingo lirateke. Oraingoz 632 neskatila-mutilek jaso dute hitzordua”.
Txertaketak aurrera eramango dira “Oñati, Bergara, Aretxabaleta, Eskoriatza eta Arrasateko Osasun Zentroetan, goizez eta arratsaldez, biztanle kopuruaren arabera, Osasun Zentro bakoitzari dagokion dosi kopuruaren arabera”.
