Partidu borrokatua izan da eta atsedeneko markagailua 40-42koa zen. Zale ugarik animatu dute taldea gaurkoan, baina ezin garaipena eskaini. Datorren jardunaldian Zizur Nagusian jokatuko du.
Gure taldeak ez du amestutako denboraldi hasiera egin, eta gaur tamalez ez du garaipena lortu, harrobiko jokalari ugariren aurrean.
Lehen, bigarren eta hirugarren laurdenak oso parekatuak izan dira, eta azpimarratzekoak dira Aitzol Lagunilla Agirreren 13 puntuak eta 6 erreboteak, 19ko balorazioarekin.
Aretxabaletarrak oso eraginkor jokatu du erasoan: hiruko 5 saiakeretatik 3 saskiratu ditu, eta biko 2 saiakeretatik 2ak sartu ditu. Alabaina, tamalez ez dira nahikoak izan ekipoak irabazteko.
Izan ere, azken laurdenean Kantabriako taldeak hobeto jokatu du, eta azken emaitza 68-75ekoa izan da. Orain MU 10. postuan da.
Datorren jardunaldian Ointxek Zizur Nagusian jokatuko du, Megacalzado Ardoiren aurka. Aupa Ointxe!
