Mundukidek eta Eneko Atxak #MundukoErrezetarikOnena abiarazi dute dirua bildu eta herrialde pobretuen ekonomia bultzatzeko

0
215

Mundukide GKEak eta Azurmendi jatetxeko chefa den Eneko Atxak (munduko jatetxerik jasangarriena aukeratu dute) #MundukoErrezetarikOnena ekimena aurkeztu dute dirua biltzeko.Kanpainak osagairik onena dauka: pertsonen elkartasuna.“Chefik onenak” babestutako ideia hau Hegoaldeko herrialde pobretuenetako ekonomia bultzatzeko eta ehunka mila pertsonaren bizitza hobetzeko beharrezkoak diren funtsak lortzea du xede, giltzarri kooperatiboan oinarrituz betiere.

Testua: Mundukide.

Eta zergatik errezeta hau?Mundukideren ohiko lankidetza lana erabat gauzatzen da, munduaren inplikazioa eta sentsibilizazioa lortzen baitu.Hiru izarreko kanpaina honen bidez (Azurmendi jatetxeak dituen izarrak) Euskal Herriko jendea sentsibilizatu nahi da Hegoaldeko herrialdeekin lankidetzan aritzeko zeregin garrantzitsuan.Laguntzeko gosea eta aho zaporerik onenarekin geratzeko gogoa duten pertsona guztiak izango dira ongi etorriak parte hartzera.

Horretarako, Mundukidek dirua biltzeko atal bat prestatu du bere webgunean, ekarpen bat egin nahi duten pertsonek online eta modu seguru eta errazean egin ahal izan dezaten, erosoena zaien metodoa aukeratuz:Txartel, Bizum edo banku transferentzia bidez.Kanpainan parte hartzen dutenek beren donazioa desgrabatu ahal izango dute, zerga ziurtagirirako datuak betez.

Mundukideren helburua da epe luzerako programen bitartez tokiko biztanleen gaitasuna handitzea, garapen ekitatibo eta jasangarriari lagunduko dion errenta sortzeko, pertsonak autonomoak eta buruaskiak izan daitezen.Esperientziak, baliabideak eta jakintza kooperatiboa partekatzen ditugu, inplikatutako aldeen garapen autokudeatua eta integrala sustatzeko. Horretarako, lan kooperatiboaren munduaren elkartasuna aktibatzen dugu, Mundukideren balio eta printzipioek oinarritua eta gidatua.

Mozambiken tokiko erakundeekin lan egiten dugu familien nekazaritza arloko garapenean, horretarako nekazariei laguntza teknikoa emanez, hornidura eta merkaturatze sare bat sortuz eta ureztatze sistemak ezarriz, besteak beste.Etiopian, berriz, Mozambiken 20 urtean egindako lan guztia aplikatu da: beti GKEen eta tokiko elkarteen eskutik, garapen ekitatibo eta jasangarria helburu.Ekuadorren, gizartea eraldatzeko bokazioa duten nekazaritza eta abeltzaintzako ekimenetan antolaketa indartzen laguntzea da xedea.Kolonbian, Pasto hiriko emakume nekazarien eta birziklatzaileen bizimodua hobetzen zentratzen gara.Kontua da haien gaitasun teknikoak, politikoak eta erresilentziazkoak handitzea, trebatze, laguntza tekniko eta sareko lan estrategia baten bitartez.Brasilen, Lurrik gabeko Langileen Mugimenduko asentamendu eta kanpalekuetako familien garapen sozioekonomikoan laguntzen dugu, erreferentziazko tokiko pertsonak kudeaketan trebatu eta kooperatiben jarduna hobetzeko, ekoizpenetik hasi eta komertzializazioraino.

ERANTZUN BAT UTZI

Zure iruzkina utzi, mesedez!
Sartu zure izena hemen