Urriaren 4tik aurrera, geratzen diren %20ak egingo dute.
Testua: Mondragon Unibertsitatea.
Atzo, irailak 24, Hezkuntza Sailak, osasun saileko arduradunekin proposamena partekatu ondoren, urriaren 4tik aurrera, aurrez-aurreko irakaskuntza euskal unibertsitate sisteman errekuperatzeko erabakia gartu du.
Hezkuntza Sailak hartu duen erabakia, 4 elementu nagusitan oinarritu da:
- Pandemiaren bilakaera positiboa unibertsitate sisteman;
- Adin tartearen txertaketa mailan;
- Pandemian zehar euskal unibertsitate sistemak egindako kudeaketa-onean, eta
- Pandemiaren bilakaera positiboa gizartean.
Erabaki honen aurrean, urriaren 4tik aurrera, astelehena, Mondragon Unibertsitateak, %100eko presentzialitatea berreskuratuko du pandemiaren ondorioz oraindik erabateko presentzialitatearekin eskaintzen ari ez diren Graduko eta Masterreko titulazioetan.
Errektoreak gogora arazi du “jada, Mondragon Unibertsitateko Graduen eta Masterren %80a, aurrez-aurreko ereduarekin hasita zeuden eta egoera hau, urriaren 4tik aurrera, titulazioen %100era zabalduko da. Jakina, indarrean dauden segurtasun protokolo eta eskakizunak beteko dira”.
Testuinguru berri honetan, Mondragon Unibertsitatea bere irakaskuntza ereduan berresten da; pertsona erdian jarriz eta konpetentzien garapenerako metodologia aktiboak bultzatuz. Aldi berean, ikasketa aktibitateek, talde lana eta bakarkakoa partekatzen dituzte bai aurrez-aurreko edo urruneko formazioan eta baita ere gure hezkuntza ereduarekin bat egiten duen ebaluazio sistema.
