Musakolako kaleetan danborra jotzera atera ezin izan diren arren, Arizmendi Ikastolako Santa Teresa guneko ikasle eta irakasleek ez diote San Isidro jaiak ospatzeari utzi nahi izan. Hori bai, osasun-neurriak errespetatuz. Eskolako patiotik musika eta informazio mezuekin girotu dute auzoa, eta marrazkien erakusketa egin dute itsas pasealekuan eta Legarra plazan. Ginkana bat ere egingo dute arratsaldean Musakolan.
