Mendizale bat hil da Orkatzategin

0
2642

60 urteko eibartar bat zendu da Urkulu ondoko mendian. Larrialdi-zerbitzuak ahalegindu dira mendizalea suspertzen baina ezin izan diote bizia salbatu.

Artxiboko argazkia: Ertzaintza.

Gaur, igandea, eguerdiko 12:00 aldera, biktimarekin zihoan pertsonak SOS Deiak-112 larrialdietako telefono-zenbakira deitu du, berarekin zihoan pertsonak Oñatiko Orkatzategi mendian konortea galdua zuela adieraziz.

Adierazitako lekura joan dira Ertzaintzako Zaintza eta Erreskate Unitatearen helikopteroa, Bergarako Ertzain-etxeko patruilak eta Osakidetzaren helikoptero medikalizatu bat.

Alabaina, suspertzeko maniobrak egin dizkioten arren, Eibarko 60 urteko mendizalearen heriotza ziurtatu baino ezin izan dute egin.

Azkenean, gorpua Ertzaintzaren helikopteroak garraiatu du hildakoaren kargu egiteko hileta-zerbitzuak zain zituen tokira.

ERANTZUN BAT UTZI

Zure iruzkina utzi, mesedez!
Sartu zure izena hemen