LKSko Enrique Elkoroberezibar eta Sergio Saiz-ek diseinatu dute. Azpiegitura hau aste honetan Bilboko itsasadarrean muntatzen hasi dira.
Bilbon, Zorrotzaurreko uhartea eta San Inazio konektatzeko zubia aste honetan muntatzen hasi dira, maniobra zail baten ostean.
Zubiak 10 milioi euro baino gehiagoko aurrekontua izan du, eta Jaurlaritzak finantzatu du Visesa sozietate publikoaren bitartez.
Zorrotzaurren muntatzen hasi diren bigarren zubi honek uhartearen iparraldea eta San Inazio auzoa lotuko ditu.
Izan ere, 28 metroko zabalera duen taula oinezkoen eta ibilgailuen zirkulazioaren euskarri izango da.
Azpiegitura hau LKS Ingeniaria S. Coop-eko Enrique Elkoroberezibar eta Sergio Saiz bide-ingeniariek diseinatua da.
