Leintz Arizmendik eta emakumezkoen Mondragon Unibertsitateak etxean jokatuko dute asteburuan [kirol prebia]

0
178

Leintz Arizmendiko neskek irekiko dute asteburu honetan kirol jardunaldia. Larunbatean goizeko 12:30etan Urnietaren aurka jokatuko dute Mojategin. Bestalde, Mondrak Andoainera bidaiatu behar du larunbat honetan, Euskaldunari aurre egiteko. Partida arratsaldeko 16:00etan hasiko da Ubitarteko futbol zelaian.

Ordu berean, Saran, Kanpanzar Arrasate errugbi taldeak Sarako Izarra izango du aurkari. Ligako bigarren partida izango da Arrasateko taldearentzat, aurreko asteburuan etxean Bera-Berari irabazi ondoren.

Areto futbolari dagokionez, Mondratek etxetik urrun jokatuko du larunbat honetan. Gernikara joango da Gernikako Lagunak Xaibor taldearen aurka jokatzeko arratsaldeko 17:00etan. Mondratek bizkaitarren aurka jokatuko du Lagun Onaken aurka etxean azken partida irabazi ondoren.

Bestalde, Mugarri-Ingou eskubaloi taldeak larunbatean jokatuko du derbia Fagor Industrial Aloña Mendi taldearen aurka. Partida Oñatiko Zubikoa kiroldegian jokatuko da, arratsaldeko 18:00etan hasita.

Igandean saskibaloia izango da protagonista. Arratsaldeko 16:15ean emakumezkoen Mondragon Unibertsitateak Askartza Claret taldearen aurka jokatuko du Iturripeko kiroldegian. Bestalde, EBA ligako Mondragon Unibertsitatea Kantabriara joango da Raisan Pas Pielagosen aurka jokatzeko. Partida arratsaldeko 18:00etan hasiko da Fernando Exposito kiroldegian Renedo de Pielagosen.

ERANTZUN BAT UTZI

Zure iruzkina utzi, mesedez!
Sartu zure izena hemen