(Publierreportajea) Udal inbertsioa, BEZa barne, 2.570.352,76 eurokoa izan da eta lanak 18 hilabeteko epean egin dira.
Maria Ubarretxena Arrasateko alkateak, Victoriano Fuentes Auzoetako, Obretako eta Zerbitzuetako zinegotziak eta Juan Antonio Urdangarin Udaleko Hirigintza Saileko buru teknikoak prentsaurrekoa egin dute Erguingo Udalpe plazan, azken hilabeteetan lanean aritu diren igogailu berriak aurkezteko. Horrela, zonaldeko mugikortasuna hobetu nahi da, eta auzorako sarbidea erraztu auzotar guztiei, eta, bereziki, hainbat arrazoirengatik mugikortasun-arazoak dituzten pertsonei. Udal inbertsioa, BEZa barne, 2.570.352,76 eurokoa izan da eta lanak 18 hilabeteko epean egin dira.
Lau dira Erguin inguruan instalatu diren igogailuak. Lehenengo igogailuarekin Uribarri etorbidetik Uriburu kaleko bi mailetara iristen da (3 geltoki ditu). Bigarren igogailuarekin Uriburu kaletik Erguin kaleraino iristen da, hainbat mailatako eraikinetarako irisgarritasuna bermatzeko (guztira 4 geltoki ditu). Hirugarren igogailuarekin Erguin kaletik Udalpe plazaraino iristen da, eta Elizalde kalean geratzen da. Hiru geraleku ditu. Laugarren igogailua Udalpe kaletik Anboto kaleareino igotzen da, eta 3 geraleku ditu.
Igogailu horien arteko ibilbidea lotzeko, urbanizazio lan handiak egin behar izan dira Uriburu kalean eta Udalpe plazan. Gainera, Udalpe plazatik Udalpe kaleko 1, 3 eta 5 atariak irisgarriago egin dira.
Aldaketak
Jatorrizko proiektua aldatuz joan da zonaldeko obrek aurrera egin ahala. Horren adibide dira Udalpe plazako eustormak, adibidez, egokitu egin direla, transformadoreak eta elektrizitate-kanalizazioak egokituz. Bestalde, bigarren igogailuaren hormak ere egokitu dituzte. Horiek ez dira hilabete hauetan egin diren aldaketa bakarrak; izan ere, lehen igogailuaren akaberak ere aldatu dira, “itxura hobea” emateko. Igogailu guztiek zaintza-kamerak dituzte “herritarren segurtasuna bermatzeko”.
Urdangarin teknikariaren hitzetan, “okerrena” Iberdrolaren linea batek eragindako atzerapena izan da. “Lan batzuk lehenetsi behar izan ditugu, eta horrek eragina izan du epeetan”. Hala ere, “onerako” horma batzuk aurreikusitakoa baino arinagoak izan daitezkeela azpimarratu du.
Izan ere, Arrasateko Udalak ildo estrategiko nagusia hartu du legealdi honetatik geratzen den honetan, herritar guztientzat herri irisgarri bat sustatzea. Horretarako, “mugikortasun bertikala” delakoarekin jarraituko duten proiektuak bultzatu nahi ditu, proiektu berri hau kokatuta dagoen goiko auzoetako irisgarritasuna hobetzeko asmoz. Helburua auzotarren eta herritarren mugikortasun irisgarri eta erosoa bermatzea da.
Udalak hainbat egokitzapen egin dizkio jatorrizko proiektuari: Udalpe plazako euste-hormak egokitu dira, transformadoreak eta elektrizitate-kanalizazioak egokitu dira, baita bigarren igogailuaren hormak ere, lurraren ezaugarriak behatu eta segurtasuna bermatu ondoren.
Lehen igogailuaren akaberak aldatu egin dira itxura hobea emateko eta bideo-zaintza sistema bat ere jarri da igogailuetan, herritarren segurtasuna areagotzeko.
Beren etxeetan igogailurik ez duten Erguingo bizilagunentzat eginda. Etxetik irten ezinda dabiltzanak leihotik igogailu berriak ikusiko dituzte. MafiArrasate
Jauregibarria, Kalealdea, Larrea eta Usaetxera iristearen arazoa ez dute konpondu. Igogailu sistema hau bidegabekeria da. Igogailu guztiak Iturripera joateko…ez dauka zentzurik. Garestia eta txarra,
Nola esan zeikie ekimen hau txarra dala? Nora begira zauze? Argazkixan auzotarrak alkatiakin… irudixak berak nahikua esaten dau. Klaro geratzen dala eitxeke eta jakin biou baita txoko guztietara igotzeko igogailuak jartie ezinezkua dala… Ikusi besteik ez dau zenbat gabitzen erabiltzen! Erguineko auzotarrak oso pozik gauz eta eskerrak ematen dotzau udalai behinguagatik herri hontan auzuetan inbersiñuak itxiagatik!