Dendan txanpon gutxi batzuk baino ez zeuden, eta hori da lapurrek eraman duten guztia
Lapurreta bat gertatu da bart Arrasateko Biteri plazako txurro-dendan. Dendako jabeak azaldu duenez, “lapurrek dendako leiho bat indarrez ireki dute gauean, eta barrura sartu dira”.
Hala ere, “dendan txanpon gutxi batzuk baino ez zeuden, eta hori da lapurrek eraman duten guztia”. Gaur goizean Ertzaintza eta Udaltzaingoa bertaratu dira, baina orain arte ez dituzte lapurretaren arduradunak aurkitu.
