LABIk Covidaren aurkako neurriak otsailaren 13ra arte luzatzea erabaki du

2
958

Argazkia: EITB.

LABIren aholku-batzordeak duela hilabete martxan jarritako murrizketei beste bi aste eustea erabaki du, “Dagoen ziurgabetasunagatik eta alerta-seinale batzuk daudelako”. Joan den abenduaren 28ko LABIren salbuespen bakarra asteburu honetatik aurrera egin daitezkeen eskola-kiroleko lehiaketak berreskuratzea izan da.

Hauek dira ostiral honetako LABIk otsailaren 13ra arte indarrean mantentzea erabaki dituen murrizketak:


• Merkataritza-, gizarte- eta kultura-jarduera guztiak 01:00etan itxiko dira gehienez.
• Oro har, edukiera % 60koa izango da mota guztietako establezimenduetan eta barne-esparruetan. Futbolean ( % 75) eta saskibaloian ( % 50) izan ezik
• Edozein motatako gizarte-, kultura- edo kirol-ekitaldietarako gehienez 600 pertsona daude barruan eta 800 pertsona kanpoan. 1.600 eta 5.000 pertsona arteko edukiera duten esparruetan, barnealdeko gehienekoa 800 pertsonakoa da, eta 1.200 pertsonakoa kanpokoetan.
• 5.000 pertsonatik gorako edukiera duten esparruetan, gehieneko edukiera % 50ekoa izango da; nolanahi ere, Estatuan beste muga jakin bat aplikatu ahal izango da.
• Ostalaritzako eta jatetxeetako establezimenduetan, diskoteketan eta gaueko aisialdiko gainerako establezimenduetan, debekatuta dago zutik edo barran kontsumitzea.
• Mahai bakoitzeko edo mahai multzo bakoitzeko bezero-taldeak gehienez 10 pertsonara mugatzen dira, bai barrualdeetan, bai terrazetan.
• Mahaien edo mahai-multzoen arteko distantzia metro eta erdikoa izango da. Neurri horiek berak aplikatuko zaizkie gazteen lokal edo lonjei, txokoei eta elkarte gastronomikoei.
• Barrualdeko kirol-jarduera gehienez 10 pertsonako taldeetan egituratu beharko da. Aldagelak % 50ean bakarrik bete ahal izango dira.

Covid pasaportea

COVID pasaporteari dagokionez, Eusko Jaurlaritzak Euskal Autonomia Erkidegoko Justizia Auzitegi Gorenari eskatu dio otsailaren 13ra arte covid pasaportea kontzertu-aretoetan, ostalaritza-establezimenduetan, kiroldegietan, gimnasioetan, estadioetan, frontoietan, ospitaleetan, zentro soziosanitarioetan eta espetxeetan sartzeko mantentzea. Gainera, erabilera hoteletara, ostatu turistikoetara eta jolas-lokaletara zabaltzea eskatu du.

2 IRUZKIN

  1. Politikari guztiak ditugu neurri guzti hauen konplize,ez bakarrik agintea daramatenak,txarrago esango nuke ixilean mantentzen direnak,pertsonalitate gabe, reditu politikoa ateratzeko.

ERANTZUN BAT UTZI

Zure iruzkina utzi, mesedez!
Sartu zure izena hemen