Autobusa igande honetan goizeko 09:45ean abiatuko da Arrasatetik eta itzulera Bilbotik 20:00etan izango da. Txatelak jada AEKn erosgai daude.
Artxiboko argazkia: Antolakuntza / Kartela: Korrika Batzordea.
Debagoieneko Korrika Batzordeak bi autobus antolatzen dihardu martxoaren 29rako, iganderako:
Lehen autobusa 09:15etik abiatuko da Eskoriatzatik, eta geldialdi bana egingo du bai Aretxabaletan (09:30ean) bai Arrasaten (09:45ean), ostean Bilborantz jarraitzeko.
Bigarren autobusa 09:30ean Oñatin jarriko da martxan, eta Bergaran geldialdia eginda (09:45ean), Bizkaiko hiribururantz jarraituko du.
Bi autobusen itzulera 20:00etan izango da. Tiketak jada erosgai daude 16 eurotan ondoko lekuetan:
- Arrasateko Debagoieneko AEKn
- Aretxabaletako Loramendi elkartean
- Eskoriatzako Inkernu tabernan
- Bergarako Jardun euskara elkartean
- Oñatiko Txokolateixian
Antolakuntzak oharrarazi du “16 urtetik beherakoek tutorearen baimena behar dutela. Eskaneatu QR kodea”.
