Argazkia: MB artxiboa.
Jose Luis Etxebarria ‘Porru’, 1981etik 2012ra Arrasateko Udaltzaingoaren buru izandakoa, gaur goizaldean hil da 65 urte zituela. Aretxabaletan jaio zen, eta ia bizitza osoa Arrasaten eman zuen. Bere azken urteetan liztor asiarraren aurkako borrokan aritu zen. Mondra-ko lehendakari ere izan zen 1989an. Bihar, asteartea, hileta elizkizuna egingo diote, arratsaldeko 19:00etan, San Juan Bataiatzailea parrokian.
