Testua: JFDT.
Arabako Kanpezu aldean dagoen mendia da Joar (1.414 m). Gure bailaratik aparte samar dago, Baztan, Beriain edo Malloak dauden bezala, baina eguneko mendi buelta bat egiteko moduko distantziara badago, behintzat.
Zailtasun handirik ez duen arren, ia 1.000 metroko malda igo beharra dago tontorrera iristeko. Handik, behe lainorik ez dagoenean, Araba, Nafarroa eta Errioxako lautada zabalak ikus daitezke. Behe lainoarekin, berriz, pagadi eder baten magiaz gozatu daiteke.
Hemen duzu igandean Joar aldean egindako mendi bueltako argazki sorta.
