Jardunaldia 2020ko urtarrilaren 23an egingo da, 9etatik aurrera, LKS eraikineko ekitaldi-aretoan, Arrasateko Garaia Parke Teknologikoan.
Gaur
egun, honako paradoxa hau dugu: enpresek gero eta zailtasun handiagoak dituzte
prestatutako langileak atzemateko, eta, aldi berean, diziplina
zientifiko-teknikoetan bokazio-falta dago.
Hala, 2010etik 2017ra bitartean, ingeniaritzako eta arkitekturako ikasketen
matrikulazioak % 28a jaitsi ziren Espainian. Defizit horrek genero-ikuspegi
argia du: 2015ean, ikasketa teknikoetan matrikulatutako ikasleen % 24a
emakumeak ziren.
Testuinguru horretan, ISEAk “STEM diziplinetan
hezkuntzari buruzko ikuspegiak” jardunaldia antolatu
du. Jardunaldi honen helburua honako gai hauei buruz hausnartzea da:
• STEM diziplinen esparruan bokaziorik ez izateari buruzko diagnosia.
• Genero-ikuspegia STEM Hezkuntzan.
• Ikasleek zientziare eta teknologiarekiko
duten interesa sustatzea.
Horretarako, hizlari hauek hartuko dute parte jardunaldian:
• Montserrat Grañeras Pastranak,
Antolamendu Akademikoko Zuzendariorde Nagusiak eta Hezkuntza eta Prestakuntza Ministerioko Berdintasun Unitatearen arduradunak, “Testuinguruaren
ikuspegi bat: neskak eta emakumeak STEM eremuan” hitzaldia
garatuko du.
• Felix Maria Goñi Urcelay EHU-ko
irakasle katedradunak “Analfabeto zientifikoak
ezagutzaren gizartean” hitzaldia emango du.
• Lorena Fernández Álvarez Deustuko
Unibertsitateko Identitate Digitalaren zuzendariak “STEMetan kristalezko korridoreak apurtzen” hitzaldia emango du.
• Nagore Ipiña eta Itziar García MONDRAGON Unibertsitateko Humanitate eta Hezkuntza Zientzien Fakultateko irakasle eta ikertzaileek “STEM arloko prestakuntza eta ikerketa
HUHEZIn” hitzaldia emango dute.
Jardunaldia 2020ko urtarrilaren 23an egingo da,
9etatik aurrera, LKS eraikineko ekitaldi-aretoan, Arrasateko Garaia Parke
Teknologikoan.
Jardunaldi honetan parte hartzeko izena eman behar da,
(943772064) telefonora deituz edo ondorengo helbide elektronikora mezua bidaliz
(morobengoa@iseamcc.net).
