Indarkeria matxistaren biktimek “maskara 19” eska dezakete botikan

0
779

Konfinamenduan indarkeria jasaten ari bazara, zure farmazian laguntza eska dezakezu, botikariari “maskara 19” esanez. Botikariak zer egin jakingo du, eta 900 840 111 deitu beharko du. Era berean, Emakume Txokoak berretsi du “biolentzia matxistari aurre egitea denon ardura dela!”.

Kartela: Gipuzkoako Foru Aldundia.

Hainbat emakume tratu txarrak sufritzen ariko dira bereziki egun hauetan, etxeko konfinamenduan. Horren aurka, Maitena Monroy adituak azaltzen ditu zein diren biolentzia matxistaren zantzu batzuk:

  • Zure bikotearen beldur bazara, edo bera haserretzeak beldurtzen bazaitu
  • Zure buruaz mesfidati egotea eragiten badizu
  • Zure konfiantza edota afektua duten taldeetatik zu bakartzen saiatzen bada
  • Zu zure gorputzarekin txarto sentiarazten bazaitu
  • Bere emozioen eta osasun egoeraren arduradun egiten bazaitu
  • Isiltasuna zu zigortzeko erabiltzen badu

Horren aurrean, Maitena Monroyk emakumeari aholkatzen dio “irudikatu egoerarik txarrena, horrela jakin dezazun zer egingo zenuke holako egoera batean”.

Gainera “zure buruarengan izan konfiantza, baita zure kriterioarengan ere”, eta ondorengo jarraibideak jarraitu:

  • Izan beti telefono mugikorra aldean
  • Aurreikusi etxetik nola alde egin
  • Arriskuan zaudela uste baduzu, laguntza eskatu
  • Ez azaldu aurreikusi duzun plana zure erasotzaileari
  • Autodefentsa teknikarik ezagutzen ez baduzu, babestu toki seguru batean
  • Ezin bazara etxetik irten, babestu zu (eta seme-alabak) leku seguru batean, oihukatu “sua! sua!” eta itxaron larrialdi-zerbitzuak bertaratu arte.

Erlazionatutako albistea:

Indarkeria matxistaren biktimek arreta zerbitzua jaso dezakete

2020ko apirilaren 2an argitaratutako albistea

ERANTZUN BAT UTZI

Zure iruzkina utzi, mesedez!
Sartu zure izena hemen