Testua: Arrasateko Udala.
Udaleko Gazteria Sailak, Gipuzkoako Foru Aldundiarekin elkarlanean martxan jarritako “TREBA Gurasoak” programaren baitan, bigarren hitzaldia antolatu du hurrengo martxoaren 2rako.
Programa honen helburua da gurasoekin seme-alaben heziketaren inguruan hausnartzea, eta gurasoei egunerokotasunean sortzen zaizkien kezka eta zailtasunak konpartitzeko guneak eskaintzea.
Oraingoan, hitzaldiak hezkidetzaren gaia jorratuko du: ‘Haurrak, nerabeak eta hezkidetza. Nola landu etxean?’. Martxoaren 2an izango da, asteazkena, 18:00etan Kulturateko Areto Nagusian. Nerea Lores adituak gidatuko du saioa eta euskaraz izango da.
Hurrengo hitzaldiak hauek izango dira:
- Apirilak 6, asteazkena: Emozioen garrantzia familian. Nola zaindu seme-alaben emozioak. Hizlaria: Donna Apellaniz.
- Maiatzak 6, ostirala: Komunikazio ez bortitza. Hizlaria: Nerea Mendizabal.
Izena emateko epea zabalik dago www.arrasate.eus/izen-ematea atarian. Informazio zabalagoa Udaleko Gazteria Sailean eskura daiteke 943 25 20 65 telefonora deituz edota gazteria@arrasate.eus helbidera idatziz.
