Atzo San Andresko jaietan izango diren kontzertuetako lehena ospatu zen. Arrasateko eta Aramaioko Hankaz Gora taldeak ireki zuen kontzertua Gudarien Plazan. Ondoren, Zumarraga eta Urretxuko Alarma Morea taldea igo zen eszenatokira. Kontzertua ixteko arduraduna Rosa Mari DJa izan zen, Gasteizko Jimmy Jazz Aretoko disko-jartzaileetako bat.
Auzoko jaietan beste hiru kontzertu izango dira. Gaur, larunbata, Kaos Etiliko igoko da Gudarien Plazako agertokira, Txapel Punk taldearekin batera. Bihar, igandea, Figuerasen omenezko jaialdia ospatuko da eta bertan 8 taldek parte hartuko dute, baita Gudarien Plazan ere. Eguerdian aurrerapen txiki bat izango du Equs Tabernan. Astelehenean beste omenaldi kontzertu bat izango da. Kasu honetan ‘Talega’ omenduko dute, eta El Bille izango da omenaldia emateko arduraduna.
