Egoera pandemikoarengatik abenduan atzeratu ondoren, Goikobaluk Harremanen alde urtero ematen duen kontzertua eskaini zuen atzo. Kontzertuan Goikobalu, Goikobalu Txiki, Izartxoak eta AGA (Arrasateko Gazte Abesbatza) taldeek hartu zuten parte eta errepertorio zabala eskaini zuten. Espero bezala, arrasatearrek San Joan Bataiatzailearen parrokia bete zuten. Atzo jaso ziren ekarpen ekonomikoak Harremanek Afrikan eta Indian abian dituen proiektuetara bideratuko dira.
