Goikobalu Izartxoak eta Txikik agur esan diote ikasturteari JAMEn

0
444

Testua eta argazkia: Goikobalu.

Goikobalu Izartxoak eta Goikobalu Txikiren ikasturte amaierako kontzertua izan genuen Juan Arzamendi Musika Etxeko areto nagusian. 4-10 urte bitarteko 20 bat neska-mutikoz osatutako bi taldeek urtean zehar landutako hainbat kantu eskaini zituzten, tartean: ‘Io sono un bambino’ abesti herrikoi italiarra, ‘Obwisana’ Ghanako folk kantua, ETS taldearen ‘Zurekin batera’ abestia, ‘Let’s eat’ musikaleko hainbat kantu edota The sound of music pelikula mitikoaren ‘Do-re-mi’ aski ezaguna.

Emanaldi honekin, Izartxoen eta Txikien ikasturtea amaitutzat ematen dugu. Irailean bueltatuko gara berriz abesti eta istorio berriekin! 

Izen-ematea zabalik dugu 4 urtetik aurrerako herriko neska eta mutil guztientzat. Animatu eta etorri probatzera!

Informazio gehiagorako: 

E-maila: goikobalutxiki@gmail.com 

Telefonoa: 669833438.

Web gunea: www.goikobalu.com

ERANTZUN BAT UTZI

Zure iruzkina utzi, mesedez!
Sartu zure izena hemen