Coronavirus pandemiaren bosgarren olatuak behera egiten jarraitzen du Euskadin. Osasun Sailak jakitera eman dituen datuen arabera, azken orduetan 493 positibo eman dira, aurreko egunean baino 22 gutxiago.
Halaber, positibotasun-tasak % 10etik behera jarraitzen du; izan ere, azken egunean 5.146 proba diagnostiko egin dira, eta horietatik % 9,6k (guztira 493) emaitza positiboak eman dituzte. Lurraldeka, 65 kutsatze izan dira Araban, aurreko egunean baino bat gutxiago, Bizkaian 260, sei gutxiago, 148 Gipuzkoan, 26 gutxiago, eta 20 beste autonomia erkidego batzuetan, ostegunean baino hamaika gehiago.
