Garaiak eta Goi Eskola Politeknikoak Neska eta Emakume Zientzialariaren Nazioarteko Eguna ospatzeko lelo lehiaketa antolatu dute

0
234

Otsailaren 11n lehiaketaren saria emango da, eta beste bi ekitaldi egingo dira: 2 emakume zientzialiekin elkarrizketa, eta zientzia eta teknologia arloko unibertsitateko ikasle zein profesionalekin solasaldi bat.

Testua: Garaia Parke Teknologikoa.

Garaia Parke Teknologikoak eta Mondragon Goi Eskola Politeknikoak datorren otsailaren 11n Euskadiko DBH, Batxilergoko eta Lanbide Heziketako ikasleekin batera, Neska eta Emakume Zientzialariaren Nazioarteko Eguna ospatuko dugu.

Gaur egungo une historiko honetan, zientzia eta ikerketa funtsezkoak bilakatu dira Covid19-aren Pandemiari irtenbidea emateko, eta, horregatik, premiazkoagoa da pertsona guztiak, bidean talenturik galdu gabe, neskei eta emakumeei gazteetatik arlo zientifikoa modu naturalean hurbiltzea, testigantzen eta hausnarketen bidez eta gizarte osoak arlo zientifiko eta teknologikoetan benetako garapen akademiko eta profesionala edukitzeko aukerak izatea.

Horretarako, hiru atal desberdinez osaturiko programa antolatu da. Hasteko, arlo zientifikoan profesionalki aritzen diren Gipuzkoako 2 emakumeekin elkarrizketa egingo da, zuzeneko konexioan, streaming bidez, bukaeran beraiei galderak luzatzeko aukerarekin.

Jarraian, otsaila 1-etik aurrera, instagramen zintzilatu diren argazki+lelo lehiaketaren irabazleen izenak ezagutzera emango dira. DBH, Batxilergo eta Lanbide Heziketako ikasleek, emakume zientzialarien belaunaldi berriak aukera-berdintasunean oinarritutako bide akademiko eta profesionaletara inspiratzeko sortutako argazki-eslogan lehiaketaren argazki guztiak hurrengo Instagram kontuan ikusgai egongo dira:  https://www.instagram.com/neskaemakumezientzialaria/. Irabazlea, “LIKE” gehien dituen proposamena izango da.

Azkenik, Garaia Parke Teknologikoak zientzia eta teknologia arloko unibertsitateko ikasle zein profesionalak jasoko ditu antolatuko Tertulian. Emakumeek zientzian duten egoera errealaren inguruan hitz egin, hausnartu eta eztabaidatzeko gunea. Espazio honetan, erakunde antolatzaileek (PTGaraia eta MGEP) sortutako ideia eta ikuspuntu desberdinekin infografia bat sortuko dute, etorkizunean lantzeko lagungarria izango zaielarik.

Informazio gehiago edo argazki-eslogan lehiaketan parte hartu nahi izan ezkero, idatzi hurrengo helbide honetara: nez.mgep@mondragon.edu

ERANTZUN BAT UTZI

Zure iruzkina utzi, mesedez!
Sartu zure izena hemen