Hiru egoitzetan jokatu finala da: Arrasaten, Bilbon eta Donostian.
Gaur goizean FIRST LEGO League Euskadi txapelketako finala jokatu da Mondragon Unibertsitateko Iturripeko campusean. Finala aldi berean hiru egoitzetan lehiatu da: Bilbon, Donostian eta Arrasaten. Aurten Euskadiko 42 ikastetxetako 128 ikasle taldek parte hartu dute. Gainera, aurtengo parte-hartzaileen erdiak, % 47, neskak izan dira. 2.000 ikaslek baino gehiagok parte hartu dute hezkuntza-programaren 14. edizioan.
Programa honen helburua gazteen artean bokazio zientifiko eta teknologikoak piztea da. Sei hilabete hauetan SUPERPOWERED erronkari aurre egin diote. SUPERPOWERED erronkarekin, ikasleek beren programa zientifikoan energia nondik datorren eta nola banatzen, biltegiratzen eta erabiltzen den aztertu dute. Innobasquek, Berrikuntzaren Euskal Agentziak, Deustuko Unibertsitateak, Donostiako Sustapenak eta Mondragon Unibertsitateak antolatu dute ekimena.
FLL Arrasaten
Arrasateren kasuan, 400 ikasle inguruk parte hartu dute, 43 taldetan banatuta, Euskal Autonomia Erkidegoko 15 ikastetxetatik etorriak. 25 taldek parte hartu dute Challenge kategorian eta 18k Explore kategorian.
Iturripeko kiroldegian roboten txapelketa egin da, eta Mondragon Unibertsitateko 7. eraikineko bost aretotan parte hartu duten taldeak euren proiektuak aurkeztu dituzte. Gainera, goiz osoan zehar jarduera ezberdinak izan dira eraikin honetako hallean.
Sari banaketa arratsaldeko 15: 15ean izan da. Gernikako San Fidel Ikastolako Sanfitek_LAND eta Sanfitek_FIRE taldeak sailkatu dira martxoaren 25 eta 26an Cartagenan, Murtzian, jokatuko den estatu mailako final handirako. Bertatik aterako dira apirilaren 19a eta 22a bitartean Houstonen (AEB) egingo den nazioarteko finalerako sailkatuak.
Palmaresa:
MAIER saria Entrenatzailearentzat
ISS Team
ERREKA SARIA Ingeniaritza Bikaintasunean
Arizmendi Ikerlan 4
ARRASATEKO UDALA saria Etorkizun Oparoko Gazteentzat
Lauaxeta 8
FAGOR Taldea 1º saria Robotaren Portaerarentzat
Sanfitek_FIRE
IKERLAN 2º saria Robotaren Diseinuarentzat
Arizmendi Ikerlan 3
MONDRAGON Corporación 1º SARIA saria Robotaren Diseinuarentzat
Sanfitek_Hydro
LABORAL KUTXA 2. saria Proiektu Berritzailearentzat
Low Battery
GIPUZKOAKO FORU ALDUNDIA 1. saria Proiektu Berritzailearentzat
WARMEEINSPARUNG
EUSKO JAURLARITZAKO HEZKUNTZA SAILA 2. saria FIRST Balioentzat
Bermibot Omega
MONDRAGON UNIBERTSITATEA 1. saria FIRST Balioentzat
Cemen Team
INNOBASQUE 2º SARIA Irabazlearentzat
Sanfitek_FIRE
INGENIERA SOY 1. saria Irabazlearentzat
Sanfitek_LAND
