Ezker Anitza-IU Debagoienak antolatu du topaketa hau militanteekin eta jarraitzaileekin 2023ko foru eta udal hauteskundeei begira.
Testua: Ezker Anitza-IU Debagoienak.
Ezker Anitza-IU Debagoienak bilera irekia egingo du datorren ostiralean, otsailak 3, 18:30ean, Arrasateko Aldai kaleko 9 behealdeko egoitzan, militantziarekin eta jarraitzaileekin, 2023ko udal eta foru hauteskundeei begira. Topaketa honek balioa emango dio maiatzaren 28ko hauteskundeetarako esparru-programari. Ehun militante, jarraitzaile, kargudun publiko eta zuzendaritzako kide baino gehiagok parte hartu dute plana prestatzen, datozen udal eta foru hauteskundeetarako esparru-programa onartzeko helburuarekin.
Juan Luis Merino Gipuzkoako Antolakuntza idazkariak emango dio hasiera topaketari. “Guretzat programa funtsezkoa da. Herritarrei begira egiten dugun aurkezpen-gutuna da, udalerriak eta gure lurraldeak eraldatzeko eskaintzen dugun eredua,” dio Juan Luis Merinok.
“Datorren ostiralean Arrasaten aurkeztuko dugun Topaketa Programatikoak partaidetza kolektiborako gune bat sortu nahi du, Ezker Anitza-IUk udal eta foru hauteskundeetan aurkeztuko duen hauteskunde programaren ideiak proposatu eta eztabaidatzeko. Jendearekin konektatu nahi dugu, jendeak uler dezan gure lehentasuna direla, bai gobernuetan bagaude, hori baita guk nahi duguna, bai oposizioan bagaude.”
Justizia soziala, demokrazia, ekonomia, berdintasuna, ekologia, osasuna, migrazioa eta gazteria, kultura eta euskara izan dira eztabaida-taldeen ardatzak. Ildo horretan, Juan Luis Merinok azpimarratu du “baditugula arlo publikoa indartzeko politikak, gizarte-babeseko politika guztiak indartzeko politikak, politika guztietan begirada feminista zeharkako bihurtzeko politikak, eta trantsizio ekologiko horren neurri guztiak ezartzeko politikak. Trantsizio ekologiko hori mugikortasun jasangarria duten udalerriek ere egin behar dute arlo publikotik, bizi-kalitate handiagoko herriak izateko.” Azkenik, Juan Luis Merino Ezker Anitza-IU Gipuzkoako Antolakuntza idazkariak ezinbestekotzat jo du ezkerreko gehiengo zabalak osatzea politika aurrerakoiak garatzeko.
Topaketa amaitzeko, luntx txiki bat egingo da bertaratutako guztiekin.
