“Errekak berreskuratu eta herritarren esku jartzea” hitzeman du EAJ-PNVek

1
1073

Beheko testua eta fotomuntaketa: Arrasateko EAJ-PNV.

Jeltzaleen helburua da Arrasatek erreka degradatuen ertzetako tarte naturalak berreskuratzea, sarbiderik gabekoak eta ingurumen-balio handikoak, eta, aldi berean, udalerrian integratzea, arrasatearrek erabiltzeko eta gozatzeko. Arrasate hiri atsegin eta jasangarri bihurtzeko konpromiso irmoarekin jarraituz, datorren legealdian EAJk bidegorri sarea zabalduko du Ekobulebarretik Musakolaraino.

Arrasateko EAJk Aramaio eta Deba errekak udalerrian integratzearen aldeko apustua egin du. URA Uraren Euskal Agentziarekin lankidetzan, garbiketa- eta leheneratze-plan integral bat jarriko du abian. Horretarako, Maria Ubarretxena hautagaiak azaldu duen bezala, talde jeltzaleak Arrasateko erreken Hiri Integraziorako Proiektu Globala sortzea proposatu du.

Arrasatek Deba eta Aramaioko ertzetako tarte naturalak berreskuratzea du helburu, degradatuak, sarbiderik gabeak eta ingurumen-balio handikoak, eta, aldi berean, udalerrian integratzea, arrasatearrek erabiltzeko eta gozatzeko.

Ubarretxenak nabarmendu duenez, “Arrasatek errekei begiratzea, hauekin gozatzea, bereak sentitzea eta zaintzea” nahi dute. “Gaur egun ez gaude tokiko altxor natural honekin lotuta. Gure apustua ubidea birsortzea eta herritarren esku modu iraunkorrean jartzea da, betiere ingurune naturala eta bertan bizi diren espezieak zainduz”, adierazi du. Proposatutako hobekuntza-motari dagokionez, jeltzaleak bioingeniaritzako eta obretako jarduerak egingo dituzte. Higatu diren eremu kalteberetan egonkortze lanak bultzatu dira, bai eta garbiketa orokorra egitea ere. Gainera, landaketa berriak egingo dituzte erreka ertzetan espezie autoktonoa berreskuratzeko. “Arrasateko sare naturala bultzatzeko helburuarekin, lurrak eskuratzen jarraituko dugu basoak handitzeko eta Etxezarretarekin batera ingurune publikoak izateko. Berreskuratze naturalarekin batera, aisialdirako guneak sortuko ditugu eta espezie autoktonoak behatzeko aukera aparta izango da. Horrela, arrasatearren gozamenerako aisialdia eta hezkuntza-jarduerak batuko ditugu”, gaineratu du EAJko hautagaiak.

Mugikortasun jasangarria: bidegorria Musakolaraino

Arrasate mugikortasun iraunkorrean erreferente bihurtzea da jeltzaleen beste helburuetako bat. Horregatik, bidegorri sarea osatzen jarraituko dute eta Ekobulebarra Musakolaraino luzatuko dute, bidegorria barne hartzen duen pasealeku berde zabal baten bidez.

Arrasateko erdigunea lotuko duen bide berri bat, Musakolaraino. “Hala, herritarrek Arrasate bizikletaz edo oinez zeharkatu ahal izango dute, modu eroso eta atseginean”, Ubarretxenak nabarmendu duenez. Bestalde, garraio publikoaren aldeko apustua egin dute, eta autobus-flota berrituko dute, herritarrek aukeratuko duten autobus-geltoki estali batekin.

Etorkizuneko beste apustu bat da Arrasaterentzat. “Gure helburu nagusia da ibilgailuek duten inpaktua murriztea eta mugikortasunerako alternatiba berriak sustatu ahal izatea. Ingurumena errespetatzen duen mugikortasunaren aldeko apustu argi eta irmoa, garraiobide gisa bizikleta aukeratzen duten pertsonentzat segurua izateaz gain. Bizikleta garraiobide garbi, jasangarri eta osasungarritzat hartzeaz gain, haren erabilera bultzatu nahi dugu, mugikortasunaren elementu garrantzitsua delako”, amaitu du hautagaiak.

Iruzkin 1

  1. Ez da Sinesgarrixa. Hona hemen arrazoiak.

    8 urtetan bidegorria itxeko aukera asko euki dau Mariak. Herrian haur, gazte zein helduak ezin Die seguru ibili. Orain dala 4 urte bidegorria amaitzia eta kiroldegi barri bat izan zien bere promesa erraldoiak. Hori 2019xan izen zan.

    2023 an gauzen moduen gaz.

    Eta errekan inguruan esateko gutxi, herritarrengatxik izengo ez balitz, Deba eta Aramaio gero eta zikiñauak egongo zien.
    Noraraeza EAJn, ezta?

ERANTZUN BAT UTZI

Zure iruzkina utzi, mesedez!
Sartu zure izena hemen