“Erdialdeko Gaztegunea itxi dute, abisatu eta arrazoitu gabe, Musakolara eramateko?”

61
2722

Gaztegune kanpoaldeko “zarata eta liskarren” ondorioz, 60 bizilagunek sinadurekin itxiera eskatu diote Udalari. Erabiltzaileen guraso batek salatu du “errurik ez duten neska-mutilak itxiera pairatzen hasi direla. Itxierak azken errekurtsoa izan behar luke”.

2011 urtean neska-mutilek eta hezitzaileek Pablo Urangako gune hau estreinatu zuten Udalak egokituriko lokala.
Azken asteburuetan ere zabalik egon da ostiral, larunbat eta igandeetan arratsaldeko 18:00etatik 21:00etara.

Neska erabiltzaile baten aitak baloratu du “Txatxilipurdik lan ona egin duela”, eta lokal barruan atzerritar jatorriko neska-mutilek ere “euskaraz hitz egiten zutela. Kulturartekotasuna landu da eta erabiltzaileak gustura egon dira”.

Guraso honi “lasaitasuna ematen zidan nire alaba Erdialdeko Gaztegunera joateak, banekielako norekin egoten zen”. Gaztegunearen kanpoaldean, baina, “zarata eta liskarrak” izan dira, eta badirudi bizilagunen ekimen batek “60 sinadura lortu dituela”.

“BAZen aurkeztu dituzte eta Gaztegunearen itxiera eskatu dute”. Udal-gobernuak berau ixtea erabaki du oraintsu, eta oposizioari aurreko astean jakinarazi zion lokala atzo bertan (domekan) itxiko zuela.

“12 urteko alaba negarrez etorri zitzaidan Erdiguneko Gaztegunea ixten zutelako. Ni harrituta geratu nintzen, eta lagun batek esan dit astebeteko itxiera izango zela, Pablo Urangako bizilagun batzuekin arazoren bat zegoelako”.

Aita honek Erdiguneko Gaztegunearen itxieraren inguruan galdetu du, eta Udal-gobernuko “zinegotzi batek erantzun zidanez, ‘ez dugu itxiko, bakarrik Musakolara eramango dugu…’. Erantzun xelebrea izan zen: Arrasaten daukagun ospitalea itxiko balute eta Zumarragakoan jarriko balute, horrek ez luke suposatuko Arrasateko ospitalea ixtea ala?”.

Guraso honek aditu duenez “Txatxilipurdi itxieraren aurkakoa da, eta elkarteko arduradunekin hitz egin nahi dut eurek gai honen inguruan duten ikuspuntua jakiteko”.

Udal-gobernuko zinegotziak azaldu zioenez “liskar asko daude kolektibo oso zehatz batekin. Baina ez zidan argitu ea gatazka lokalaren barrualdean edo kanpoaldean izan diren, eta datu hori oso garrantzitsua da”.

Liskarren arazoa “badirudi nolabait kudeatu zela, baina bizilagunek 60 sinadura zituzten itxiera eskatzeko”. Gaia jorratu duten pertsona batzuek aita honi azaldu diote “ez zeudela liskar asko, baina edonola ere, Gaztegunea ixtea azken errekurtsoa beharko luke, beste irtenbiderik ez balego”.

Aita honi oposizioko zinegotzi batek azaldu zion Udal-gobernuak aurreko “osteguneko bilera batean ezohiko puntu bat aurkeztu zuela, komunikatuz domekan (atzo) Gaztegunea itxiko zutela”.

Oposizioak horren aurrean “azalpenak, informazioa, Gazteriaren ikuspuntua, … eskatu zituen. Nire ustez – adierazi du guraso honek – okerrena da ez dutela inolako aukerarik eman, eta ez dutela itxiera arrazoitu. Funtsean ‘Joan Musakolara’ esan digute”.

Guraso honek salatu duenez, neska-mutil hauen kolektiboa “ahulenetariko bat da eta kalera botatzen dabiltza. Erdialdeko Gaztegunea kudeatzeko udaltzain bat beharrezkoa bada, Udalak jar dezala, edo hezitzaile gehiago behar badira, jar ditzatela, behintzat beste Gaztegune bat zabaldu arte”.

Ildo honetan, Udal-gobernuko zinegotziaren arabera, “gaztegunea Musakolara eramango dute, baina hango Gaztetxokoa, antza, irailean bota egingo dute, Musakola Herri Eskola berritzeko obrak egiteko. Gero, badirudi, Lanbideren egungo lokalean jarriko dutela, baina horretarako denbora luzea beharko da…”.

“Harritu egin nau ere injustizia honen aurrean Mondraberrik eta Goienkariak ezer argitaratu ez izana”. Mondraberriri dagokionez, egunkari honek gaur izan du gaia jorratzeko lehen aukera, eta hala egin du, albiste honek erakusten duenez.

“Errurik ez dutenek ez dezatela zigorra pairatu. Gaztegunea lekualdatu behar bada, abisatu, arrazoitu eta alternatiba bat planteatu”.

61 IRUZKIN

  1. Negargarrixe 60 bizilagunek hori sinatu izana! Gaztiek kalitatezko aisialdi euskalduna gozatzeko aukera euki bieko leukie, 60 bizilagun indibidualista horrein gañetik. Gaztiek ez al daukie gazte izateko eskubiderik hala??

    • Eta bizilagunen eskubideak? Pablo Urangan bizi zara?
      “Aisialdi euskalduna”: Lehioetara harriak botatzea, tinbreak jotzea arratsalde osoan zehar, pegamentu-barrak pertsianetara botatzea, zuhaitzetako enbor zatiak balkoietara botatzea, petardoak balkoietara botatzea, obretako konoak balkoietara botatzea, etab…

      Daturik ez dauzkazue hitzegiteko, beraz zuen komentarioak barregarriak dira.

    • Bizilagun indibidualista?
      60 firma gutxi iruditzen jatzu? 60 firmen atzian 60 familia daz. Astebukaerero monito/Udaltzain/Udaletxearekin burrukan dabiltzan 60 familia.

      Anporreta: Gazteek eskubidea daukate bai, eta guk? bizilagunok? Ez al daukagu eskubiderik gure etxean lasai egiteko?

      Norbanakoaren eskubideak ondokoaren eskubideak urratzen hasten diren momentuan bukatzen dira.

      Bizikidetza lortu behar da. Saiatu gara eta ez dugu lortu.

  2. Barregarria da. Izan ere, orain arte inori ez zaio inporta izan bizilagunek jasandako bidegabekeria. Zentroa lekualdatzea erabaki den arte, inork ez du ezer adierazi. Kexak urteetan zehar jarri dira, hezitzaileekin bilerak egin dira eta ez da ezer lortu, horregatik seguruen erabakia hartu da.

    Onartezina da gai guztiak alor politikora eramatea. Arazoa frogatzen duten gertaerak daude, kexak, udaltzainei telefono deiak, urteetan zehar gertaerak izan dira. Azken errekurtsoa sinadura bilketa bat izan da, inork ez zuela ezer egiten.

    Aita bezala duzun ikuspuntua ulertzen dut, baina hemen bizilagunak bakarrik gara dakigunok hemen zer gertatzen ari den, eta hainbeste sinadura jaso badira, kontua ez da izango 2-3 pertsona soilik kexatzen ari direla.

    Bidenabar, gaztetxokoa 17:00etan ireki izan eta 21:30ean ixten (ez dute ordutegia ere errespetatu), ez ordutegia, ez aforoa, ez maskarak… Datu hauek bizilagunok konfirma ditzakegu.

    Agur bat

    • Eta orain arte zergatik ez gara enteratu, prentsan, kalean, nik ez dut inoiz ezer entzun? . Ez dut esaten arrazoirik ez duzuela, baina istearen aurretik egongo zen beste irtenbiderik, publikoki salatu? egia bada oposizioak ez zekiela ezer, zer edo zenbat saiakera egin da arazoa konpontzeko udaletxe barruan? Udaltzainak Monterronera joan diren bezela botiloiak desalojatzera, hona joan dira? galdera da e, ez dakit…

      • Orain arte ez zara enteratu zure eragiten ez dizun arazo bat delako.
        Mesedez, joan zaitez Udalak daukan “transparentzi” atalera eta irakurri azken urteetako herritarren kexak. Edo deitu Udaltzaingora eta eskatu Gaztetxokora hurbildu behar izan diren aldi bakoitzeko erregistroa, edo deitu Udaletxera eta eskatu informazioa.
        Edo hobeto, hitzegin bertako monitoreekin eta eskatu egia kontatu diezazute.

        Oposizioak ez zekiela ezer?? Hori ez du iñork sinisten…

  3. Erabakia ulertezina iruditzen zait hainbat ikuspuntutik.
    Baina zergatik “jasan” behar dute Musakolakoek erdigunekoentzat “jasanezina” dena? Bigarren mailako herritarrak dira?

    • Ba al dakizu Musakolako eraikina non dagoen?
      Musakolako gaztetxokoa ez dago edifizioz inguratuta… Patioa dauka…

      Ez gauzak nahasu mesedez.

    • Erdiguneko Gaztetxokoak ez ditu ateak itxi.
      Era probisionalean lekualdatu da.

      Leku berri definitiboa erabakita dago.

  4. Grupo San Joaneko arkoari konponbide bat emateko komeriak, udaltzaingoekin jaleoak, proiektua propioa den ekobulebar azaltzeko zailtasunak, gazteekin arazo honen aurrean konponbiderik erresena, istea… argi dago gobernu honetan gatazkak konpontzeko gaitasun gutxi dagoela. Obrak eta porlana kontratatu eta bukatzen direnean argazkia ateratzearen estrategia ez du denerako balio ezta? Gazte hauentzat ere ur parkea da eskainiko duzuena? zein da Udalaren gazteentzako eskaintza? Musika eskola? Ingelesa? todo de pago bien pagado?

  5. Ez dogu nahi Gaztiak gure portal onduan baiña bai Ekobulebard, BurgerKing eta Holako gauzak. Zembat Flanders dauen herri hontan.

    • Idatzi baino lehen, pentsatzen duzu zer idazten duzun? Esaten dozuna ez du zentzurik. Burguer King? Gai politikoa alde batera utzi behar dozu egoera hau ulertzeko.

      Ondo izan

    • Ez gauzak nahastu.
      Honek ez dauka Ekobulebar delako horrekin loturarik.

      Bizikidetza arazo bat dago. Arazo hori konpontzen saiatu gara eta ez dugu lortu.
      Zerbitzua eten beharrean lekuz aldatzen da.

    • Ba nik oso ondo ulertzen diot, erdiguneko espazio hori oso ondo dago, zergatik ez dute beste alternatiba batzuk landu? Oso tristea da, ze bertan gazte askok eta askok jarrera ona izan dute eta ederto egon dira negu gorri eta udako aste bukaeretan. Ez dute merezi

      • Erdiguneko espazioa hori oso ondo dago?
        Egon al zara astebukaeraren baten Erdiguneko Gaztetxokoan? egoten diren arazoan gaineko informaziorik ba al daukazu?

        Alternatiba asko landu dira azken urte hauetan…erabaki hau azken alternatiba izan da.

  6. Kale borrroka berragertu da, kasualidadie EH Bilduko lokal onduen pasetia…! Hori bakarrik falta zaie batzuei esatie…

    Honek, udaletxetik datorren informaziño danak moruen, usai oso oso txarra dauko. Derrepentien zas…! Abixau barik ta kitto!

    Ea zertarako erabiltzen dauen udaletxiak lokal hori orain: ekobulebarraren interpretazio zentroa agian?

    • Derrepentien zas?
      Urtietako arazo bat da hau. Atzetik oso lanketa sakona daukon erabaki bat da.

      Monitoreek edo Txatxilipurdik eukitzen ditugun arazoen gaineko informazioa badauka, zergatik ez dute informazio hori ematen?

  7. Zelako gaizki egin zituzten gauzak arrasateko Sortuk, elementu hauek hauteskundeak 2 aldiz jarraian irabazteko

  8. Bidegabekeriak gertatu omen ahal izan dira, ez dut ezetz esaten, baina erabakia ixtea izaten bada irizpide berdina hartu beharko zuen udalak beste antzeko egoera berdinekin, eta nire ustez, ez du egiten, hau da, arazoa badago, … itxi. Pentsa mesedez nora eraman dezakeen irizpide hau aplikatzerakoan.
    Inork ez zuelako ezer egiteren ondorioak, nerabeek ordaintzen dute, eta ez zait zilegia iruditzen erru dena Gaztetxokoarena edo erabiltzaile guztiena soilik denik, norbait edo norbaitzuk (udaletxeak bati bat) izango dira erantzuleak. Hemen batzuen jarrera kaskarragatik eta beste batzuean ez egiteagatik, talde ahulenak ordaintzen du.
    Berriro ere, egoera berdinetan udaletxeak irizpide berdinak har ditzala, ez kasu honetan soilik. Parke akuatikoan zaratak eta arazoak egoten direnean (egondo dira eta, edo erabiltzaile “maltzur” hauek gaztetxokoa itxi ondoren Arrasatetik desagertu behar dira?) , irizpide berdina jarraituko du Udaletxeak? Norbaitek esaten duen bezala, Musakolara botatzen dugu arazoa eta hor konpon.
    Jokinen iritziagatik, ulertzen dudanez Gaztetxokotik botatzen zituzten harriak? Tinbreak jo? Enbor zatiak bota? Gaztetxokotik antolatutako era batean? hori ulertzen da zure iritzian. Edo ta erabiltzaile edo persona batzuk ziren? Esan dituzun gertaerak Gaztetxokoarekin zuzenean erlazionatzen dituzula iruditzen zait, eta berriro, edo arazoa sustraitik bideratzen da (arazoak sortzen dituztenegatik eta hori irtenbidetzeko ditugun balibideekin) edo irizpide berdina jarraitzen da kasu guztietan. Hemen askoren ezintasuna talde ahulenak (nerabeek) ordaintzen dutelaren itxura osoa du, eta udaletxeak zerbait gehiago egin beharko luke, bai bizilagun eta nerabeengatik, ez ixtea soilik, horrekin, zuentzat agian ez, baina nerabe askoren etorkizunera begira arazo askoz larriago bat sortzen hari gara, beraiek ere eskubideak dituzte (edo eduki beharko zituzten, erabaki hauekin beraiek ez dituztela esaten ari gara, argi eta garbi).

  9. Pablo Urangan bizi garenok, urteak daramatzagu gaztegunearen erabiltzaileen aldetik gatazka sortzen duten jarrerak pairatzen. Erabiltzaile horiek adin txikikoak dira. Horregatik legeak babesten ditu eta herriak ez du honen berri izan. Ez hori bakarrik, luzaroan gazteen aldetik gizalege falta nabarmena jasan ditugu; gazteek gure balkoiak eta kale zikin utzi dute (lokalaren parean dituzte lau edukiontziak); San Frantzisko urbanizazioko kaleetako zuhaitzak txikitu dituzte; Urbanizazioko Ignazio Zuloaga eta Pablo Uranga kaleen artean droga trapitxeoa areagotu da. Batez ere urbanizazioko txoko ezkutuetan. Horren ondorioz gure kalean bizi diren umeak ez dute bertan jolastu nahi.
    Euskaldun eta aita bezala ere lotsatuta sentitu naiz. Gazte hauek urbanizazioko eskaileretan pilatzen direnean trap musika matxista entzuten dute. Hizkuntzari dagokionez gazteek, erdara hutsean ari dira beraien artean. Txatxilupurdiko langileek ez dira gazte hauen hezitzaileak, “kolegak” baizik. Profesionaltasun falta erakutsi dute jarrera ez egokiak zuzentzeko orduan. Nik, lan egiten dudan enpresan helburu batzuk bete behar ditut, nork fiskalizaten ditu hezitzaile hauek helburuak lortzen dituztela?
    Txatxilipurdi da herriko ume eta nerabeen aisialdiaz arduratzen den elkarte kulturaletako bat (seguraski garrantzitsuena). Jakin beharko du Gaztegunea gure gazteen garapenean eraginkorra den edo ez. Agian, gizarte bezala, eta nire kasuan, bi nerabeen aita bezala hausnartu beharko dugu Txatxilipurdik betetzen duen gure gizartean bete beharreko rola; hau da gazteak euskaraz HEZITZEA. Monopolioak ez dira inoiz positiboak izan gure herrian monopolio gehiegi daude.
    Eta ni naiz dokumentu hori sinatu duen arrasatear bat; EH Bilduren boto-emailea eta; Pablo Uranga 6 portaleko bizilaguna. Espero dot nire partiduko zinegotziek eta kideek ikusi izana euren lokaleko kristalera zabaletik nire portalean eta urbanizazioan gertatutakoa eta arrasatear guztiei gezurrik ez dugula esaten aitortzea.

  10. Ze errexa den zuzenean eragiten ez diguten arazoen inguruan iritzia ematea…
    Pablo Uranga kaleko bizilagun moduan idazten dut. Ezagutzen dut astebukaerero etxe azpian daukagun egoera.
    Badira 11 urte Erdiguneko Gaztetxokoak ateak zabaldu zituela, eta hasieratik bizilagunekin arazoak egon dira.
    Tokia ez da aproposena, edifizioak bertan daude, eta patio moduko efektua egiten duenez, zarata izugarri anplifikatzen da.
    Gazteak lokal barruan eta kanpoan egoten dira, eta bertan sortzen den zarate jasaezina da. Honi pelota, patinete..eta beste hainbat gauzen zarata gehiatu behar zaio.
    Gainera, azkenengo urteetan bereziki, bizilagunok hainbat irain eta ekintza jasaten ari gara; harriak, arrautzak, konoak, petardoak…botatzea, balkoira irtetzerakoan irainak jasotzea…eta beste hainbat eta hainbat gauza.
    Bizilagunok urteak daramatzagu bizikidetza arrunt bat lortzen saiatzen; Udaletxearekin bilerak egin ditugu, baina Udaltzainekin ere, monitoreekin bildu gara…eta ez du ezertarako balio izan. Azkenengo errekurtso moduan, firma bilketa geratu zaigu. Baina adi! firma bilketa horrekin ez dugu zerbitzuaren itxiera eskatu, lokal horren itxiera baizik!
    Horregatik, hainbeste kexa, arazo eta bileren ostean Gobernuak Erdiguneko Gaztetxokoa LEKUZ ALDATZEA erabaki du.
    Hainbat komentariotan irakurri dudan moduan…ez da egun batetik bestera hartutako erabaki bat. Erabaki honen atzetik azterketa sakon bat dago.

    Ulertzen dugu gazteak gazte direla eta jolasteko eskubidea dutela, zaratu egiten dutela…baina lokal hau ote da horretarako tokirik aproposena?

    Liskarrak kolektibo zehatz batek sortzen dituela irakurri dut…agian bat. Seguru gazte askok portaera zuzena izaten dutela, baina berriro errepikatzen dut, leku horretan zarata, berba eta oihuak anplifikatu egiten dira, eta zarata hori jasaezina da gure etxeetan gauden bizilagunendako.

    Hau ez da gai politiko bat. Pena bat da gai guztietan ideologia sartu behar izatea.
    Gobernuak asteartean eman zuen erabakiaren berri (ez ostegunean) eta erabakia, berriro diot, toki aldaketa da.
    Gazteek zerbitzu berberaz gozatzen jarraitu ahal izango dute. Gainera Musakolako gaztetxokoaren kokapena aproposagoa da, patioa daukate eta etxebizitzak urrutiago daude.

    Iritzi artikulu honekin bizilagun moduan daukadan iritzia eman gura dut. Oso errexa da eragiten ez dizkiguten arazoen gainean iritzia ematea eta kritikatzea.

  11. Arrasateko herritar moduan egoera ulertzen saiatzen ari naiz.
    Ulertu dezagun bizilagunen perspektiba. Denoi gustatzen zaigu norberaren etxean lasai era erlaxatuta egotea, eta etxe azpian Gaztetxoko batek ekar ditzakeen arazoak aguantatzea ez zaigu inori gustatzen.
    Ez gaitezen hipokritak izan.
    Gainera, zerbitzuak beste toki baten jarraitzen dut.
    Ez dezagun aldaketa txiki batetik arazo larri bat sortu.

  12. Egun on,

    Ez ditut ulertzen bizilagunenganako gorrotoz beteriko komentario hauek, zentroa lekualdatuko da eta ez da itxiko, gainera inguru egokiago bat bilatu beharko litzateke arazoak sortzeko arrisku gutxiagokoa, orain arazoak sortzen ari delako, bizilagunek errespetua merezi dute eta arauak bete daitezela, zentroko arduradunek kontrolatzen ez dituztenak; maskara gabeko mutil taldeak, bizilagunen etxebizitzei erasoak (leihoetara objektuak jaurtitzea), elkarbizitza arauek ezarritako zarata handiagoa, eta abar luze bat.

    Azken finean denok gura dugu lasai bizitzea, eta horretarako eskubidea dugu, kexatzen diren guztiei: zuen auzoetan agoantatzeko prest egongo zinatekete? Horrela bada, ez dut bizilagunekiko komentarioen arrazoia, zentroa zuen auzora lekualdatu eta horrela denok irabazle izango gara.

    Ez da onargarria, zentroak ez baditu bizikidetza arauak betetzen, bizilagunek kexak jartzea begi txarrez ikustea.

  13. Arrasaten arazo bat daukogu, larrixa. Edozein gaia tarte esparru politikora bideratzen dogu. MC Donald, ecobulebarra, Txatxilipurdi, gazteen eskubideak,… Baina baten batek Bildu boterean egonik halako arazorik egongo ez zanik uste dau? Benetan?
    Bizikidetza arazo baten aurrien bizilagunek konponbideak eskatzen dituzte, normala dan moduan. Halakorik ikusi nahi ez dauenak, mesede gutxi eiten dotsa elkarbizitzari. HEZIKETA oso garrantzitsua da, eta penaz badiñot be, herrixan gabezia daukogu. Eta eskubideetan hitz eiten dogun moduen, betebeharretan ere hitz egin beharko genuke.

  14. Biteriko Dragoiaren parkea lekuz aldatzea, Munarreko ur txorroten parkea desmantelatzea, Okorotehiko terraza kentzea eta Zaldibarren 8etatik aurrera futbolean debekatzea proposatzen dut. Bizilagunok egundoko zaratak eta jaleoak sufritzen ditugu.
    Ulertzen saiatzen nai ni ere, baina zarata ezin da arrazoia izan egunean zehar, herriko beste leku askotan ere sufritzen delako. Eta gazte batzuek balkoietara gauzak botatzen badituzte edo irainak, horretarako daude Munizipalak. Eta behar nada, Ertzaintza etortzeko. Baina ez esan Musakolara lekualdatzea aldaketa txiki bat dela.

    • Noski aldaketa txiki bat dela.
      Herri txiki baten bizi gara, toki batetik bestera dagoen distantzia ez da hainbesterako.

      Arazoa ez dator zaratagatik soilik, gazteek sortutako beste hainbat egoera iraingarriengatik baizik.
      Udaltzainak etorri dira, Ertzainak etorri dira…hori da konponbidea?

  15. Ba niri egokiagoa tiruditzen zait jarrera ezegokia duten horiek bidaltzea eta poliziak zuzentzea eta ez gazte guztiak Musakolaraini joatea vamos.

    • Saiatu dira baina ezinezkoa izan da.
      Konponbidea ezin daiteke Udaltzaingoa arratsalde guztia bertan egon beharra izan

  16. Nazkatuta nago ‘gazte’ hitza entzutearena. Alde guztietan irteten da gazte hitza, eta atzetik dakarrena beti da gatazkatsua. Denaren errua dugu gazteok. Hainbat komentario irakurri ditut bizilagunen hitza errespetatu behar dela esanez, eurak jakingo dute euren etxean zer gertatzen den, erraza dela zuk pairatzen ez dituzun gauzen inguruan hitz egitea… Hemen denok jartzen gara bizilagunaren azalean, baina, norbait arduratu al da gazteen azalean jarten? Burgesiaren kanpaina mediatiko eta polizialaren parte zarete gazte hauek kriminalizatzen ari zaretenak.
    Gaztetxokoko erabiltzaile izan garenok badakigu zer gertatzen den, eta egia da noizbehinka zarata eta gatazka gutxi batzuk egon ohi direla, (droga trapitxeoak egiten direnaren historia ez dakit nundik atera den, baina droga trapitxeoa nun egiten den jakitea nahi bada begiak pixkat zabaltzea besterik ez dago) baina arrazoi horregatik ixtea erabakitzen bada, zarata ateratzen duten taberna eta parkeak ere itxi behar dira? Txosnagunea jai egunetan ezin izango da jarri zaratarengatik? Egoera normalera bueltatzen garenean tabernak 10 etan itxi beharko dituzte gaueko zaratak bizilagunei molestatzen dielako? Parkean sonometroak jarri beharko ditugu umeek zarata egin ez dezaten?
    Gaur egun gizartearen sensibilitatea oso fina dela ikusten da. Indibidualismoak bakarrik du garrantzia, ez kolektiboak. Horrela segitu ezkero etorkizun batean ezin izango dugu ezer egin, azken finean, denori molestatzen digu zeozerrek ezta?
    Gaztetxokoa musakolara pasatzearekin, ez dakit egia den etxeak askoz hurrunago daudela, (atetik metro pare batera etxebizitza bat ugari aurkitu ditzskegu) eta bertan saskibaloian jolasteko kanastak, futbolean aritzeko tokia eta abar dago, ez duzue uste agian zarata horrek atetik bi metrotara dauden bizilagunei molestatuko diotenik? Baina Horrek ez zaigu inporta, kontua da gure etxe azpitik gazte gogaikabe horiek kentzea, berdin dio beste pertsona batzuei molestatzen hasten badira, betiere niri molestatzen ez badidate, edo berdin dit kalean lurrean eseria egon behar izatea gazteak, neguan hotza pasatzen, niri molestatzen ez didaten bitartean. Gizarte kapitalistak lortu duen garaipen baten ondorioa da gizarte indibidualista basati hau.

    Azkenik, denok dakigu musakolako zerbitzuak ez duela betetzen erdiguneko zerbitzuak betetzen zuen espazioa, horregatik ez esan bakarrik lekuz aldatu dela erdiguneko gaztetxokoa, itxi egin dezuten zerbitzu bat da eta.

    • Bagabiltza berriro Kapitalismoa eta horrelako hitzak kontexturik ateratzen.
      Ze erlazio dauka kapitalismoak guzti honetan?
      Betiko argudio berdinekin zabiltzate.

      kasu honetan gazteak dira arazoa sortzen dutenak eta punto, ez dago besteik.
      Beste kasu batzutan haurrak, agureak edo batek daki nor izango den arazoaren eragilera, baina kasu honetan gazteak dira zerbitzua erabiltzen dutenak.

      Musakolan ere arazoak sortzen baldin badira, arazoa gazteena dela argi geratuko da. Bizikidetza bermatzeko arazoak baldin badaude bai hemen eta bai han agian zerbitzuak ez du funtzionatzen.
      Ezin daiteke arazoak ematen dituen zerbitzu bat denporan mantendu!

  17. Eta Txatxipurdikoei arazoari nola aurre egin edo nola bideratu ahal zenuten galdetu diezuenean ze erantzun dizuete?? Peace and love?

  18. Badirudi Txatxiliko hezitzaileak direla Arrasateko txoko, bazter eta leku ilunetan gertatzen diren trapitxeo, erdal hiztun, jarrera iraingarri… erantzule. Benetan???

    • Hori ez dau iñork esan.
      Kasu honetan Txatxili da zerbitzu horren arduradura.
      Txatxili da gazte horien heziketaren arduradun eta Txatxili da bizikidetza bermatu behar duena.

      • Txatxili gazte horien heziketaren arduradun????? horiek hitz potoloak dira Amaia. Gustatuko litzaidake, egia esan txatxilik dituen printzipio eta balioak dituen norbaitzuk izatea gazte horien eta beste askoren (tartean heldu asko ere bai) heziketaren arduradun baina zoritxarrez ez da horrela, Txatxilik ez baitauka nahikoa baliabide eta eskumen horretarako.

  19. Nik dakidanez kejau die ze jolasterakuan pareta eta leihoen kontra itten zeben. Ta nahiz eta arreta deitu, neska mutilak berdin jarraitzen zuten. Hortaz aparte, errespetu falta galanta zaukielako bertako bizilagunekin, Horregatik kejak. 👍

  20. Niri sumingarria iruditzen zait albiste hain kezkagarria idaztea, aditzera emanez dena bat-batean eta arrazoi barik egin dela. Albiste batek partziala izan behar du. Horrelako albisteekin sentsazionalismoa bilatzen saiatzen zarete, eta horrek bi bando sortzea baino ez du lortzen, euren artean borrokatzen direnak benetako arrazoiak jakin gabe, kasu zehatz honetan.

    Lokal hau ixtearen aurka daudenetako bakoitza bizi ahalko balu hilabete batez bizilagunok egunero sufritzen duguna, ohartuko litzateke ez dela instalazio hau egoteko lekurik aproposa, eta gazteria horren gehiengoa ez dabilela jasotzen merezitako arreta, horietako askok ekintza ez oso atseginak egiten dituztelako bizilagunen aurka baina errepresaliak jaso barik.

    Eskatzen dut bizilagunen egoera zaila uler dadila, egun batean eta hurrengoan errepikatzen dena, eta autoritateei deiak egiten zaizkie baina soluzio barik.

  21. Peroodikoki lekuz aldatu beharko litzateke, bost urtean behin edo, eta horrela Arrasateko auzo denetako bizilagunek zertaz hitz egiten gabiltzan jakin dezagun. Eta orduan esperientzia eraikitzaile honen ostean danok eritzia emateko aukera euki dezagun. Zoritxarrez, arazoa gainean ez daukagun momenturarte, ezin gara arazoaren dimentsioaz jabetu.

    • Guztiz ados!
      Uste dozue bizilagunondako erosua dala astebukaerero begirale/gazte/udaltzainekin burrukan ibiltzia?
      Nekatuta gaude egoera honekin.

      Albiste honek polemika larrei sortu dau, eragiten dien kolektiboa nahiko urria dela kontuan hartuta ( zerbitzuko erabiltzaile diren gaztea + bizilagunak).

  22. Ulertzen dut bizilagunen ondoeza, baina nik gazteen ondoeza ere aldarrikatu nahi dut. Hasteko, argi eta garbi utzi nahi dut gaztetxokoa ez dela lekuz aldatu, itxi egin dela. Musakolako lokalak aforo txikiagoa du eta orain Musakola eta erdiguneko gazteak erabili beharko dutenez, atera zuen ondorioak.
    Ziur nago gertakari lotsagarri guzti hoiek gutxi batzuen eskuetan daudela, eta horren ordainetan arau eta bizilagunak errespetatzen dituzten hainbat eta hainbat gaztek orain kalean egon beharko dute neguan zehar. Gainera, Txatxilipurdi lan ona egiten ari da gazte hauekin.
    Ados nago arazoari irtenbidea eman behar zaiola, eta denok merezi dugula errespetua, baina soluzioa ez da ixtea, ez behintzat leku aproposago batean dagoen lokal bat prestatu artean.
    Lehenengo prestatu lokal egokiago bat eta gero itxi, eta ez alderantziz.

    • Gustiz ados, eta gehituko nuke Txatxilipurdik ere beharko dituela beharbada baliabide gehiago, irakurritakoarekin susmatzen dut badaudela gazte batzuekin lanean eta beste batzuek inguruan dituztela baina baliabide faltagatik ez direla iristen horiekin ere lan egitera (ez horiek behar duten bezala behintzat). Baina hau ez da ikusi behar arrisku bezala, aukera bezala ikusi behar da, zeren arazoak sortzen dituzten horiek zerbaitegatik gerturatu egiten dira gune horretara, beraz onartu egiten dute aisialdi hezitzaile baten beharra eta hori gazte gatazkatsu hauek bideratzeko aukera da.

      Azken ekarpen bat: bizilagunen eta gazteen lepoan jarri garen moduan, ez legoke gaizki Txatxilipurdiko hezitzaileen lepoan jartzeko gaitasuna izango bagenu ere. Bere egitekoa da aisialdi osasuntsu eta euskaldun bat bultzatzea gazteen artean eta ez gazte gatazkatsu eta bizilagunen arteko borrokatan erdian jartzea, beste gazteak hezitzen dituen bitartean, eta euskara bultzatu eta aisialdi sano bat eskaini eta autoantolatzen erakutsi eta…. Ea zenbat hausart dagoen gazte txokoan baldintza eta giro honetan lan egingo duena hauek bezala! Animo!

    • Gogoratu astebukaeretan Erdiguneko gaztetxokoa bakarrik egoten dela zabalik,beraz bertara hurbiltzen dira Musakola, Erguin, San Andres eta kaleko gazteak. Alde horretatik ez dago arazorik.

      Konkretuki Musakolako lokala toki aldetik egokiena delako aukeratu da.

      Iñork ez du zalantzan jarri Txatxilipurdik egiten duen lana, baina argi geratu da bertan dauden gazte batzuen portaera kontrolatzeko gaitasunik ez dutela.

      Erabiltzaile batzuk lekualdatze hori merezi ez dutela? Seguro.
      Baina hori betiko arazoa da:justos por pecadores.

    • Guztiz ados, bizilagunek dituzten arazoak konpondu egin behar dira, baita gazteek dituzten aisialdi beharrak ere, eta tamalez, ez dut uste Gaztetxokoaren itxiera (zeren itxiera da, nahiz eta batzuek lekualdaketa bezala jantzi, ez dakigu betirako edo behin behinekoa), ez bata ez bestea konponduko duenik.

  23. BAda ezpada: esan nahi dudana da hor dagoela aukera gatazkatsuak dauden gazteekin interbenitzeko eta ez bergarako epaitegian. Sanoagoa litzatekeela irtenbide hezitzailea ematea konfliktoari(aurrez ondo identifikatuta eta behar diren baliabideak ezarrita) eta bakean uztea gazte txokoaren gainerako funtzioanmendua.

    • Iñork ez du gaztetxokoaren funtzionamendua zalantzan jarri.
      Lokal horrek eskaintzen den zerbitzurako daukan kokapena egokia ez dela esaten ari gara.

      Gazte horiek heziketa konkretu bat behar dutela? ziur baietz, baina hori ez da hemen jorratzen ari garen gaia. Hori landu dezala txatxilipurdik internoki.

      • Zeuk esan duzu “baina argi geratu da bertan dauden gazte batzuen portaera kontrolatzeko gaitasunik ez dutela.” Eta leku batetik bestera eramatea arazoa trasladatzea besterik ez da eta ez nago seguru Txatxilipurdik “internoki” landu behar duen hori, nik dakidala barruan gertatzen denaren ardura izan dezake baina hau guztia kanpoan ari da gertatzen. Demagun kiroldegiaren inguruan biltzen diren pertsona batzuek, pareko etxekoekin liskarrak izaten dituztela egunero, kiroldegiarena da arazoa? kiroldegiko eragileek ez dute kontrolatzen? Ez dakit ba horri buelta gehiago eman behar zaiolakoan nago. Kokapena egokia den edo ez, ez dakit gaztetxokoko erabiltzaileekin kontrastatu beharko nuke ezer esan aurretik eta momentuz ez dut beraien iritsirik ikusi hemen, beharbada beraiek ere ez daude ondo hor, baina liskarrak sortzen dituzten pertsonak (gazte edo zahar) leku batetik bestera mugituaz liskarrak ez direla bukatzen bai.

  24. Ez da lehen aldia gazte-talde konfliktibo baten kasua dugula herrian, azkena ere ez, noski. Eta nola diren gauzak, oraingo honetan ere ez nuke jarrera zehatzik hartzen jakingo. Edo, bestela esanda, ez dakit Erdialdeko gazte-gunea behin-behinean Musakolara aldatzearen alde ala kontra nagoen.
    Batetik, gaztetxokoak Pablo Uranga kalean sortzen dituen eragozpenak eta istiluak jasan behar dituzten auzokideen salaketak ulertzen ditut. Bestetik, nerabe horien ahotsa ordezkatzen duten parte hartzaileekin ados egon naiteke; izan ere, gaztetxo horiek ez dute ezer esango ez hemen, ez inon. Azkenik, badugu herritar batzuek, bakoitzak bere ildo politikoaren arabera, sortutako paragrafo eta testu andana. Baina jarrera argi, sendo eta bakarra hartzen jakin gabe jarraitzen dut.
    Susmoa dut berriro ere ez ote dioten gaiari garaiz heldu ez udal zerbitzuek, ez oposizioak, ez inork eta urte hauetan zehar Uranga kaleko auzokideek egin dituzten eskaerak eta salaketak behin eta berriro ezerezean geratu direla, bizilagun horiek fitxa mugitzea, hau da, Erdialdeko gaztetxokoa lekuz aldatzea lortu duten arte. Halere, oso argi daukat horrekin ez dela nerabe problematiko horiekin zegoen arazoa konpontzen.
    Orain dugu aukera lekualdatze horrek Musakolako gazte-gunean sor ditzakeen eragozpenak aurreikusi ondoren, konponbideak jartzeko; gaiztotu baino lehen, behintzat. Horretarako Txatxilipurdi, guraso edota gazteen aisialdiaz arduratzen diren herriko elkarte eta udal zerbitzuen arteko lana eta koordinazioa ezinbesteko izango da.
    Bestela, batek gardentasunez dioen bezala, arazoa (eta benetako arazoa zuten Urangako auzokideek ez ezik, herriko gazte batzuek ere) trasladatzea baino ez da lortuko. Gauza bera Tren-geltoki Zaharrera doazenean. Azkenean, Tximinok proposatutakoa gertatuko da eta auzoz auzo guztioi tokatuko zaigu nerabeen heziketan egiten diren okerrak eta utzikeriak ezagutzea.

  25. Gazte txoko gainean bizi den ezagun batek hasieratik, kontrakoa komentarioak eta kejak egiten zidan.
    Ederra etorri jau etxe aspira zarata asko daukagu eta noisian behin ura eta lexiba bota izan dauela ezaten zidan behera ia gaztiak isildu eta juten dien. Berak ez dau eduki gaztiak familian. Bai badauko baina orain asthma dauka.

ERANTZUN BAT UTZI

Zure iruzkina utzi, mesedez!
Sartu zure izena hemen